КОРОНАВИРУС: ҚАЗАҚСТАНДА 60 АДАМ ДЕРТТЕН АЙЫҚТЫ
![](https://uaqyt.kz/wp-content/uploads/2020/04/000010a0da.jpg)
Әлем бойынша коронавирусты жұқтырғандар саны 1,5 миллион асты. Дүниежүзілік денсаулық сақтау ұйымы індетті жұқтырғандардың арасында 48 мыңнан астам адамның жағдайы ауыр екенін мәлімдеуде.
90 мыңнан астам адамды ажал құштырған COVID-19 АҚШ-та жоғары қарқынмен тарауда. Қазіргі таңда алпауыт елде 432 мыңнан астам тұрғын індетті жұқтырған.
Қазақстанда вирусты жұқтырғандардың тіркелуі күн сайын көбеюде. Ағымдағы жылдың 9-сәуіріндегі соңғы деректер бойынша елімізде 781 адам COVID-19 вирусын жұқтырған. 60 адам дерттен айықса, 8 адам көз жұмған.
Коронавирусты жұқтырғандар саны жағынан еліміз бойынша Нұр-Сұлтан қаласы (225) бірінші, Алматы қаласы (122) екінші, Қызылорда қаласы (100) үшінші орында тұр.
Ал Түркістан облысында вирусты жұқтырғандар саны 34-ке жетсе, Шымкентте 27-ні құрап отыр.