ҚАЗАҚСТАНДА МЕМЛЕКЕТТІК ҚЫЗМЕТШІЛЕРДІҢ 8,1 ПАЙЫЗЫНЫҢ ЖОҒАРЫ БІЛІМІ ЖОҚ

Елімізде мемлекеттік қызметшілердің нақты саны 89 005 адамды құрайды. Олардың 55,7% әйелдер.

Мемлекеттік қызмет істері агенттігі таратқан мәліметке сүйенсек, елімізде мемлекеттік қызметші әйелдердің 9 521-і басшылық лауазымына ие. Бұл Қазақстандағы басшылық лауазымның 40 пайызын құрайды.
Өткен жылдың көрсеткіштерімен салыстырғанда, шетелдік білімі бар мемлекеттік қызметкерлер саны 2790-ға жетіп, 2018 жылмен салыстырғанда 15%-ға өскен. Жалпы алғанда, барлық мемлекеттік қызметшілердің 91,9 пайызының жоғары білімі бар. Қалған 8,1% орта және ортадан кейінгі кәсіптік білім меңгерген. Оларға аудандық және ауылдық деңгейлерде қызмет атқару ұсынылған.