ҚЫЗУДЫ ТҮСІРЕТІН ДӘРІНІҢ ҚҰНЫ 8,5 ПАЙЫЗҒА ҚЫМБАТТАҒАН

Әлемді жайлаған пандемияға байланысты еліміздегі фармацевтикалық компаниялар шығаратын өнімдер көлемі айтарлықтай өскен. Тиісінше түрлі дәрілік препараттардың да бағасы бірнеше есеге қымбаттаған. Бұл туралы energyprom.kz жазады.

 Басылым жазған мәліметтерге сүйенсек, қаңтар-сәуір айларында қызуды түсіретін препараттардың құны 8,5, антибиотиктер 7,3, ал бүйректі емдеуге арналған дәрілер 7,4 пайызға қымбаттаған. Коронавирус елімізге келіп жетпегенге дейін жұрт көп іздеп, жиі қолдана бермейтін антисептиктер бағасы да шарықтап, бірден 16,9 пайызға көтерілген.

Бағасы шарықтаған бұл өнімдердің 75,7 пайызы отандық болып табылады. Олар еліміздің үш өңірінде, атап айтқанда Алматы облысы, Алматы мен Шымкент қалаларында өндіріледі.