ШЫМКЕНТ ЦИФРЛАНДЫРУ ЖҰМЫСТАРЫ БОЙЫНША ҮЗДІК ҮШТІКТІ ТҮЙІНДЕДІ
Шымкент қаласы соңғы жылдары заманауи технологиялар мен сандық трансформацияның нағыз орталығына айналды. Таяуда жарияланған «Smart City Ranking 2025» рейтингінің қорытындысы бойынша, мегаполис цифрландыру саласындағы жетістіктерінің арқасында республикада үшінші орынға табан тіреді. Ел астанасы мен Алматыдан кейінгі үздік үштікті түйіндеген Шымкенттің бұл жетістігі — қаладағы жүйелі реформалардың нақты нәтижесі.
Шаһар тіршілігіне серпін берген «Smart City» көрсеткіші 2025 жылы бірден 82 пайызға жетіп, 2024 жылмен салыстырғанда тағы 6 пайызға жоғарылады. Бұл өсімнің артында қала инфрақұрылымын заман талабына сай бейімдеу, қоғамдық қауіпсіздікті күшейту, интеллектуалды көлік және бейнебақылау жүйелерін дамыту секілді ауқымды жұмыстар жатыр. Сонымен қатар, мемлекет пен бұқара арасындағы алтын көпір іспетті «Ашық үкімет» бағыты да зор нәтиже көрсетіп, оның көрсеткіші 97 пайыздан қатесіз 100 пайыздық межеге көтерілді.
Бұл зор жетістіктер Шымкентте цифрландыру көшінің ілгерілеп келе жатқанын айғақтайды. Қорыта айтқанда, заманауи технологиялардың игілігі арқылы үшінші мегаполис тұрғындары үшін барынша қауіпсіз әрі қолайлы қалалық орта қалыптасып келеді.
«Уақыт».
