ТІРКЕЛГЕН КӨЛІКТЕРДІҢ КӨПШІЛІГІНІҢ ШЫҚҚАН ЖЫЛЫ ОН ЖЫЛДАН АСҚАН

Ағымдағы жылдың 1-шілдесіндегі жағдай бойынша елімізде тіркелген жеңіл автокөліктердің саны 3888,9 мыңға жеткен. Олардың ішінде 322402 жеңіл автомобиль осы жылдың қаңтар-маусым айында тіркелген.

Бұл туралы еліміздің ҰЭМ Статистика комитеті хабарлайды.
Комитет таратқан деректерге сүйенсек, осы жылдың алты айында тіркелген жеңіл көліктер саны өткен жылдың тиісті кезеңімен салыстырғанда 35,8 пайызға аз. Осы жылдың алты айында тіркелген көліктердің басым көпшілігі немесе 198 мыңнан астамының шыққан жылы он жылдан асқан.
Сонымен қатар, ағымдағы жылғы қаңтар-маусымда 5260 жол-көлік оқиғасы тіркеліп, 7660 адам зардап шеккен. Өткен жылғы тиісті кезеңмен салыстырғанда апаттылық 25,8%-ға кеміген. Бұдан бөлек 2020 жылғы 1- шілдедегі жағдай бойынша көлік құралдары иелерінің азаматтық-құқықтық жауапкершілігін міндетті сақтандыру бойынша сақтандыру ұйымдары 13,9 млрд. теңге сомасында 34543 сақтандыру төлемін жүзеге асырған.