Оқушылар демалысқа кетті

Жадыраған жаз айы балалардың оқудан қолы босап, жаймашуақ шаттыққа кенелетін кезі. Маусым айының алғашқы аптасы күні созақтық 1400 оқушы жазғы демалысты тиімді өткізбек ниетте балалардың демалыс лагерлеріне жолдама алды. Ол үшін аудан әкімдігі бюджеттен қомақты қаржы бөліп отыр. Бүгін мектеп оқушыларының бірінші легі Түлкібас ауданының тау баурайларындағы лагерлерге аттанды. Оқушыларды аудан басшылары, білім бөлімі мен мектептердің басшылары, ата-аналар құрметпен шығарып салды.

Мақсат Қарғабай.