АМБУЛАТОРИЯЛЫҚ КӨМЕК ТЕГІН КӨРСЕТІЛЕДІ
Қыз мезгілінде түрлі аурулардың белең алатыны белгілі. Десе де медицина саласының мамандары аталған мәселемен күресті жедел қолға алып, қажет шараларды атқарып жатыр. Мәселен, Шымкент қаласында атқарылған жұмыстар бір төбе. Осы тұста толығырақ тарқатайық…
Күзгі-қысқы кезеңде жедел респираторлы вирустық инфекциялары, тұмау, қызылша және басқа да вирустық инфекциялардың эпидемиялық өсу маусымы басталады. Вирустық инфекциялар кез келген жастағы науқастарда әртүрлі асқыну тудыруы мүмкін. Көбінесе науқастардың ерекше осал санаттары, яғни 3 жасқа дейінгі балалар, ауыр созылмалы аурулары бар науқастар, егде жастағы кісілер және иммунитет тапшылығы бар адамдар зардап шегеді. Медицина мамандары қала тұрғындарын өз бетінше емделмей, дәрігерлерге қаралуын сұрайды. Аурудың белгілері пайда болған кезде аумақтық емханалардың медицина қызметкерлерінің көмегіне жүгіну қажет. Уақытылы басталған ем асқынуларды болдырмауға және ауруханаға жатудан сақтайды.
Осыған байланысты Шымкент қалалық Денсаулық сақтау басқармасы, ЖРВИ, тұмау, қызылша, пневмония ауруларының маусымдық өсуі кезінде медициналық көмекке қолжетімділікті күшейту мақсатында қазіргі уақытта қаланың емханаларында күн сайын, сонымен қатар демалыс және мереке күндері сағат 8:00-ден 20:00-ге дейін сүзгілер мен емшара кабинеттері жұмыс істейтінін хабарлайды. Айта кетейік, мегаполис емханаларының 53 емдеу кабинетінде ересектер мен балаларға амбулаториялық емдеу тегін жүргізіледі.
