ҰЛТТЫҚ БАЙҚАУДЫҢ ЖЕҢІМПАЗЫ АНЫҚТАЛДЫ

Жыл сайын өткізу игі дәстүрге айналған үлгілі отбасылар байқауы – елімізде жанұя құндылықтарының рөлін арттырып, отбасы мен некенің оң имиджін дәріптейді. «Мерейлі отбасы» ұлттық конкурсын өткізу қағидалары Қазақстан Республикасы Үкіметінің 2014 жылғы 5 наурыздағы №181 қаулысымен бекітілген. Ұлттық байқаудың мақсаты – бір шаңырақ астында берекелі өмір сүрудің маңыздылығын арттыру, отбасылық өмір салты, ата-аналық парыз, жауапкершілік секілді ұғымдарды ел санасына сіңіру, әсіресе, жастарға жеткізу, жарасымды жанұя құндылығын кеңінен насихаттау.

Байқаудың шарты бойынша аудан әкімдіктері маусым-шілде айларында Шымкент қаласының тұрғындары арасынан Абай ауданы — 37, Әл-Фараби ауданы — 34, Еңбекші ауданы — 39, Қаратау ауданы – 34, Тұран ауданы – 34 отбасы өтінім білдірген. Былтырғы жылы 128 отбасы құжаттар өткізген болса, биыл өтінім білдірушілердің саны артып, 178 отбасы байқауға қатысу үшін құжат өткізген. «Отбасы — қай заманда да болмасын ел болашағы жастарды тәрбиелейтін ыстық ұя. Сондықтан отбасы институтының іргесін ныйғайту арқылы болашағын жарқын ете аламыз. Жиында сөз алған Шымкент қаласының ішкі саясат және жастар істері жөніндегі басқарма басшысы Мұрат Шотанов «Мерейлі отбасы» конкрусына қатысып, өнер көрсеткен барша отбасыларды шын жүректен құттықтаймын. Отбасыларыңыз аман, жұртымыз тыныш болсын» деді.
Байқау кезеңінде барлық аудандарда комиссия отырыстары тікелей эфирде жүргізіліп, іріктеу кезеңінің қорытындысында әр ауданнан 4 үміткерден анықталды. Барлығы 20 отбасы қала әкімінің атынан арнайы алғыс хаттармен марапатталды. Шымкент қаласы бойынша «Мерейлі отбасы» байқауының жеңімпазы — Бейсбековтар отбасы атанып, Астана қаласында өтетін Республикалық байқауға жолдама алды.