ШЫМКЕНТТЕ ҰЛТТЫҚ ҰЛАН ҚАРЖЫГЕРЛЕРІНІҢ ОҚУ-ӘДІСТЕМЕЛІК ЖИЫНЫ БАСТАЛДЫ

Шымкентте Ұлттық ұлан өңірлік қолбасшылықтарының қаржы қызметі бастықтарының оқу-әдістемелік жиыны басталды. Жиынға құқықтық тәртіп әскерінің 45 әскери қызметшісі қатысып жатыр. Іс-шара әскери бөлімдердегі қаржы қызметтерінің жұмысын пысықтап, атқарған жұмыстарына қорытынды жасау мақсатын көздейді.

Ұлттық ұлан әскери бөлімдерін қаржыландыру Ішкі әскердің (қазіргі Ұлттық ұлан) құрылған күнінен, яғни 1992 жылдан бастап айтарлықтай оң сипат алған. Мәселен, еліміздің қай қаласында болмасын, әр әскери қызметшіге жеке айлық көрсеткішінің, өзіне және отбасы мүшелеріне тағайындалатын пәтер ақысының мемлекет тарапынан төленуі жүйеленіп, уақытылы жүзеге асырылып келеді.
Бұдан бөлек, арнайы құралдар, қару-жарақ, әскери киім үлгісін жаңарту мәселесінде де қаржы қызметкерлері қаражаттың заңды түрде толыққанды бөлінуін баса назарда ұстайды. Жиын 21 мамырда аяқталады.