ТӨЛ ТЕҢГЕГЕ – 30 ЖЫЛ
![](https://uaqyt.kz/wp-content/uploads/2023/11/ТӨЛ-ТЕҢГЕГЕ-905x613.jpg)
банкноталардың
жаңа сериясы таныстырылды
Биыл Қазақстанның Ұлттық валютасының айналымға енгеніне 30 жыл толды. Осы орайда, Қазақстан қаржыгерлерінің XI конгресінде ұлттық валюта банкноталарының жаңа сериясы таныстырылды.
Қазақстан Ұлттық банкінің банкноталар мен монеталар дизайны басқармасының бас дизайнері Санжар Нұрқасымовтың айтуынша, жаңа банктонттар «Сақ стилі» элементтеріне негізделген және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейді. Өз сөзінде ол «Жаңа банкноталар сериясы дайын болған кезде айналымға енеді. Номиналы 5 000 теңгелік жаңа дизайн үлгісіндегі алғашқы банкноталар осы жылдың соңына дейін қолданысқа шығады. Халықаралық тәжірибеге сәйкес, банкноталардың дизайны жалған ақша жасауға жол бермеу және оның алдын алу үшін жетілдірілген қорғаныш қабілетін енгізу мақсатында кезең-кезеңімен жаңартылып отырады. Бұл орайда еліміздің мәдени құндылықтары мен тарихын насихаттау маңызды саналады» деді.
Ал ескі банкноталар жаңа үлгісімен қатар айналымда жүре береді. Бұл туралы Санжар Нұрқасымов мәлімдеді.
«Уақыт».