АЙТАРЫМ БАР

Еркін Сатқанбаев,
Шымкент қаласының Құрметті азаматы:

«ҰЛТЖАНДЫ, ІСКЕР АЗАМАТ»

Алдағы сайлау біз үшін өте маңызды. Өйткені бұл — еліміздің саяси жүйесінде жүргізілген реформаларға байланысты жасалып жатқан жаңа қадам. Халық бұл сайлаудан көп өзгеріс күтіп отыр. Осыған орай, қазір партиялардың бағдарламалары жаңарып, бәсекелестік күшеюде. Бір мандатты депутаттар да белсенді. Қалай десек те, бізге өздерінің жаңа идеяларын ұсына алатын, кабинетте отыратын емес, халықтың арасында жүретін іскер депутаттар керек. Қалалық мәслихатқа түсіп жатқан сондай үміткерлердің бірі Мерлан Керимжановты жаңа талаптардың үдесінен шыға алатын азамат ретінде танимын.
Өздеріңіз білесіздер, оңтүстің өңірдің шаруалары үшін су тапшылығы – өте өзекті мәселе. Әсіресе, судың басында отырған көршілес елдер керек кезде су мөлшерін азайта түседі. Өткен жылдары осы күрделі мәселе оң шешімін тауып, «Достық» каналы арқылы келетін су көлемі секундына 60 текше метрден 100 текше метрге артты. Өзбекстан мен Қазақстан мемлекеттері арасындағы осындай нәтижелі келіссөздердің бел ортасында сол кезде «Қазсушар» РМК Түркістан филиалының директоры болған Мерлан Керимжанов жүрді. Түркістан қаласы әкімінің орынбасары болып, рухани астананың қазіргі жаңа келбетін қалыптастыруға сүбелі үлес қосты. Ол Түркістанда салынып жатқан зәулім ғимараттардың, жолдар мен қаланы көркейту жұмыстарына жауапты болды. Шымкент қаласы мен облыста құрылыс, соның ішінде жол құрылысы саласында жауапты қызметтер атқарды. Осы саланың жілігін шағып, майын ішкен бірегей маманға айналды. Сайлаушыларға да жол, ауыз су, табиғи газ, кәріз желісі және мектеп, балабақша, емхана секілді әлеуметтік-тұрмыстық мәселелерін шешіп бере алатын депуттар керек емес пе?
Ендеше, істің адамына, білікті маманға, жауапкершілікті сезінетін иманды, ұлтжанды азаматқа қолдау білдірейік. Мерлан Керимжановқа сеніңіздер, сенімдеріңізді ақтайтынына кепілдік беремін!

Нұрғазы БҰХАРБАЕВ,
Қазақстанның Құрметті депутаты:

«МӘСЛИХАТҚА ЖАҢАШЫЛ ДЕПУТАТТАР КЕРЕК»

Биылғы сайлауды елде жүзеге асып жатқан қайта саяси құрылымдау процесінің жалғасы ретінде қарауға болады. Сондықтан тұрғындар бұл науқанға белсене араласып, дұрыс таңдау жасауға атсалысуы керек деп санаймын. Мен бірнеше рет қатырынан Шымкент қаласы мәслихатының депутаты болып сайландым. Мәслихаттың тыныс-тіршілігін жіті білемін. Елімізде басталып жатқан үлкен саяси реформалар қарсаңында мәслихаттарға сауатты, елі үшін жанын салып жұмыс істейтін азаматтар қажет. Мәслихат депутаттығына үміткерлер арасында жаңашыл жастардың белсенділік танытуы қуантады. Солардың ішінде Мерлан Керимжановтай белсенді әрі іскер жастардың бой көрсетуі үлкен үміт сыйлайды.
Мерланды өз мүддесінен мемлекеттің мүддесін жоғары қоятын азамат ретінде жақсы танимын. Жұмыс барысында оған талай көзім жетті. AMANAT партиясының мүшесі ретінде қоғамдық жұмыстарда белсенділігімен көзге түсіп жүр. Оны, әсіресе, қаланың коммуналдық шаруашылығын жіті білетін маман ретінде жоғары бағалаймын. Бізге қазір құр сөздің, құрғақ уәденің емес, нағыз істің адамдары керек. Мәслихатқа осындай жігерлі азаматтардың жетіспей жататындығы байқалады.
Сондықтан тұрғындардың талабына құлақ асып, оны шешудің тетігін білетін азаматтың депутат болғанын қалаймын. Көпшіліктің сеніміне ие болған Мерлан Керимжановты қолдаңыздар, дұрыс таңдау жасаңыздыр!

Нұржан ТӨЛЕНДИЕВ,
«Алдараспан» әзіл-сықақ театрының директоры:

«АДАМГЕРШІЛІК ҚАСИЕТІН ЕРЕКШЕ БАҒАЛАЙМЫН»

Үнемі көпшіліктің алдында, өнер жолында жүргендіктен, досқа, жора-жолдасқа, сыйласатын адамдарға кенде емеспін. Солардың ішінде Мерлан Керимжановтың орны бөлек. Оның іскерлік қабылетімен қатар адамгершілік қасиетін ерекше бағалаймын. Ол — қолына аз билік тисе, адам танымастай өзгере шығатындардың қатарынан емес. Қандай қызметте жүрсе де адамгершілігі мен қарапайымдылығын жоғалтпай келеді. Інілік ізетін көрсетуден танбаған. Ата-ана берген тәрбие мен имандылыққа беріктігі өз ортасында абыройын арттырмаса, кеміткен емес. Біраз жылғы таныстығымыз маған Мерланның осындай жақсы қасиеттерін танытты. «Жас келсе, іске» дейді. Білімі мен тәжірибесі толыққан шақта депутат ретінде елге қызмет етсем деген ізгі ниетін қос қолдап қолдаймын. Тек сәттілік тілеймін. Тап қазір елге осындай іскер де адал азаматтар ауадай қажет. Қолдаңыздыр, сенім білдіріңіздер. Сенімдеріңізді ақтайтынына күмәнім жоқ!

Салыхан ПОЛАТОВ,
дербес зейнеткер, «Құрмет» орденінің иегері:

«ТҮРКІСТАНДЫ ТҮЛЕТУГЕ СҮБЕЛІ ҮЛЕС ҚОСТЫ»

Шымкентке республикалық қала мәртебесінің берілуі мегаполистің жаңа тынысын ашқаны мәлім. Қаламыз қарқынды дамып, көз алдымызда күн санап көркейіп келеді. Десек те қала орталығынан шалғайда орналасқан елді мекендерде шешімін күткен әлеуметтік мәселелер аз емес. Әсіресе, жарықтандыру, ауыз су, табиғи газ, кәріз жүйелері, сапалы жол секілді коммуналдық салаға қатысты тұрғындардың шағымдары дер кезінде шешім табуы тиіс. Мәселелердің түйінін тарқатуда билік пен халықтың арасындағы алтын көпір саналатын мәслихаттың рөлі үлкен. Ал мәслихатқа тұрғындардың талабын тыңдап қана қоймай, оның шешілуіне ықпал ете алатын сауатты депутаттар керек. Істің тетігін біліп, шырқ үйіріп алып кететін білікті, іскер-шаруа азаматтарға зәруміз.
Алдағы сайлауда қалалық мәслихатқа үміткер ретінде тіркелгендердің арасында осындай талап үдесінен шыға алатын азаматтардың бой көрсетіп жатқандығы қуантады. Солардың бірі – Мерлан Керимжанов. Жастайынан елдік жұмысқа араласып, түрлі салаларда табысты еңбек етіп келе жатқан Мерлан інімізді бұрыннан танимын. Облыстық құрылыс басқармасында менің орынбасарым болып қызмет еткен ол ісіне тиянақты, жауапкершілікті сезінетін маман ретінде өзін көрсетті. Жол жөндеу жұмыстарында әбден ысылды. Саланың қыр-сырын білетін білікті маманға айналды.
Бірер жыл алдын Түркістан қаласы облыс орталығы атанып, көне шаһарды көркейту бағытында қыруар жұмыстар қолға алынғанын білесіздер. Рухани астананы түгелдей жаңарту шаралары қарқын алды. Осынау тарихи сәтте Мерлан Керимжанов Түркістан қаласы әкімінің орынбасары ретінде таңдалды. Ол қала құрылысы, жол, коммуналдық-шаруашылық бағытында өзіне артылған жүгі ауыр міндетті абыроймен атқарды. Күн-түн демей еңбек етіп, рухани астананы көркейтуге, заманауи келбетін қалыптастыруға сүбелі үлес қосты.
Оның өзге де тындырымды тірліктерін одан әрі тізбектей беруге болады. Бірақ оны көпшілік менсіз де біледі деп ойлаймын. Менің айтпағым, осындай елдік қызметтің қазанында құрыштай қайнап шыққан, сөздің емес, істің адамдары біздің қоғамға аса қажет. Оның қалалық мәслихаттың депутаты болып сайлануына қолдау білдіріп, қарым-қабылетін ел игілігіне пайдалануымыз тиіс деп санаймын.

Жұмағали БІЛІСБЕКОВ,
«Шымкент қаласының Азаматтық Альянсы» қоғамдық бірлестігінің төрағасы:

«ҮНДЕМЕЙ-АҚ ҮЙДЕЙ ІС БІТІРІП ЖҮР»

Мерлан Керимжановты үндемей-ақ үйдей іс бітіріп жүрген азамат ретінде танимын. Ел игілігі үшін атқарған жұмысы көп болса да телеарналарда жиі сөйлеп, әлеуметтік желілерге көп шыға бермейді. Елге, ұлтқа деген жанашырлығын сөзімен емес, ісімен көрсетіп келеді. Көп сөйлеп, көпшіліктің алдында жүргенді қаламайды. Былайғыда қарапайым көрінгенімен, әділетсіздікке жаны қас, сол жолда неден де болса тайынбайтын қайсар мінезділігін талай рет көрсеткен. Мәслихат депутаттығына абырой-атақ үшін емес, елге қызмет ету үшін бара жатқанына сенімдімін.
Көпшілік мәслихат депутаттарының әкімдіктің айтқанынан аса алмайтын, әкім-қаралардың ығына оңай жығылатын қауқарсыздығын айтып, сынға алып жатады. Өйткені депутаттардың дені әкімдік беретін мемлекеттік тапсырыс арқылы кәсібін жүргізіп, шаруасын дөңгелетіп келеді. Былайша айтқанда әкімдікке кіріптар. Ал Мерлан Керимжанов «Самұрық Қазына констракшн» АҚ-ның «Жайлы мектеп» жобасының Шымкент қаласы бойынша жетекшісі қызметін атқарады. Әкімдікке ешқандай тәуелділігі жоқ. Керісінше, қалаға қаржы бөліп, өңірде мектеп мәселесінің шешілуіне ықпал ететін мемлекеттік компанияның өкілі. Ендеше Мерлан Керимжанов депутат болып сайланса, проблемаларды бүкпесіз ашық айта алады. Керек кезде үнсіз қалмай, батыл әрекет жасайтындығына сенімдімін.
Ендеше, сайлаушылар таңдау жасар алдын Мерланның іскерлігімен қатар, осындай артықшылықтарын да ескергені дұрыс деп санаймын.

Мұхтархан ДІЛДӘБЕКОВ,
Олимпиада ойындарының күміс жүлдегері:

«ҰЛТЖАНДЫ ӘРІ ИМАНДЫ АЗАМАТ»

Мәслихаттың депутаты атану үлкен жауапкершілікті талап етеді. Жергілікті жұрттың мәселесін тыңдап, шешуге атсалысатын да, жергілікті биліктің жұмысын қадағалап, бюджеттің дұрыс жұмсалуын бақылайтын да осы депутаттар. Сондықтан мәслихатта жауапкершілікті сезініп, ел үмітін ақтай алатын азаматтар отыруы керек.
Мен қалалық мәслихатқа үміткер ретінде тіркелген Мерлан Керимжановты сөзіне берік, жұртқа жанашыр, жауапкершілігі мол азамат ретінде танимын. Мемлекеттік қызметтің түрлі саласында еңбек етіп келе жатқан оның іскерлігін, жаңаша ойлай алатындығын талай рет байқадым. Өзіне жүктелген міндеттерді мінсіз атқарады. Жас та болса, еңбекқорлығымен ерекшеленіп келеді. Соған қоса, спортқа да жанашырлық танытып, жас спортшыларға демеу көрсетіп жүргенін білемін. Оның ат баптауға қызығушылығы, жылқыға деген оң көзқарасы бойына қазақылық дарыған қарапайым жан екенін көрсетеді. Бұрыннан имандылық жолын ұстанып, дініміздегі бес парыздың бірі — қажылыққа да барып қайтқанын білемін. Жүрегінде иманы бар жанның ешқашан ардан аттамайтыны түсінікті. Мерланның осындай адами қасиеттері бізді жақындастырып, байланысымызды достыққа ұластырды. Іні тұтып, ерекше құрметтейтін жанға айналды. Сондықтан ертеңгі сайлауда баршаңызды Мерлан Керимжановты қолдауға шақырамын. Өйткені мәслихатқа жаңа адамдар, жаңа леп керек. Жаңарған мәслихат, белсенді депутаттар қаламыздың өміріне жаңа серпін берері сөзсіз.

Бауыржан ИБРАГИМОВ,
Қазақстанның еңбек сіңірген әртісі:

«ЖАҢАШЫЛ ЖАСТАРДЫ ҚОЛДАУЫМЫЗ КЕРЕК»

Жақында өтетін Мәжіліс және жергілікті мәслихат депутаттарының сайлауын күтіп отырмыз. Биылғы сайлау өте тартысты өтетін секілді. Өйткені үміткерлер додаға партия атынан және өзін-өзі ұсыну жолымен қатысуда. Шыны керек, тұрғындардың көпшілігі қазір депутаттарға сенбейді, оларды жіті танымайды. Өйткені сайлаудан кейін олардың көпшілігі халықтың арасына бара бермейді. Уәдесін ұмытып, тұрғындардың мұң-мұқтажын тыңдамайды.
Алдағы сайлауда елдің мүддесін ойлайтын жаңа тұлғалар депутат болса, онда көптеген оң өзгерістер болатыны сөзсіз. Сондай жаңашыл азаматың бірі Мерлан Керимжановтың Шымкент қалалық мәслихатына үміткер ретінде тіркелгенін естіп қуандым. Мерландай іскер жігітпен осыдан бірер жыл алдын Түркістанда танысқанмын. Ол «Қазсушар» РМК Түркістан филиалының директоры еді. Жергілікті шаруалардың өзекті мәселесінің бірі – су мәселесін айтып алдына бардым. Талап-тілегімізді мұқият тыңдап, солардың көпшілігін көп өтпей жүзеге асырды. Мәселемізді оң шешіп берді. Шарулардың алғысын алып, елге жақын, жұртқа жанашыр азамат екенін көрсетті. Содан бері Мерланды жақын тартып, ерекше құрметтеймін.
Қалалық мәслихатқа осындай уәдесіне берік, іскер, дөкейлердің ығына жығыла бермейтін азаматтар керек. Осындай жаңашыл азаматтар ғана Президентіміз айтқан Жаңа Қазақстанды құруға сүбелі үлес қоса алады. Сондықтан тұрғындарды Мерлан Керимжановты қолдауға шақырамын. Депутат болып сайланса, өздеріңізбен қоян-қолтық жұмыс істеп, ұсыныстарыңыз бен талап-тілектеріңізді жерде қалдырмайтынын сеніммен айта аламын.

Исабек Үйсімбаев,
Құрсай шағынауданының
белсенді азаматы:

«МӘСЕЛЕМІЗДІ ШЕШЕ АЛАТЫН ДЕПУТАТ КЕРЕК»

Қазығұрт, Құрсай шағынаудандары тұрғындарының көптігімен ерекшеленеді. Қаламыз мегаполис мәртебесін алғалы шеттегі шағынаудандарға көңіл бөлініп, халыққа қолайлы жағдай жасалып келеді. Десек те ауқымы кеңейіп келе жатқан біздің елді мекеннің кей аймақтарында ауыз су, автожол, жарық, қоғамдық көлік, кәріз жүйесіне қатысты түйткілді мәселелер кездеседі. Мәселен, Құрсай шағынауданының тұрғындарын жарықтың сапасыздығы мен ауыз су мәселесі алаңдатады. Инфрақұрылымдық жүйелерден бөлек мұнда көпшіліктің бұқаралық спортпен айналысуына жағдай толық жасалмай келеді. Сонымен қатар балалардың ойын алаңы мен мәдени демалыс орындарының қажеттігі сезіледі.
Ал осы шағынаудандар арқылы өтетін республикалық үлкен жол бүгінде жүруге жарамсыз күйге түсті. Әбден тозығы жеткен жолдың азабын бірнеше жылдан бері тартып жүрміз. Жөндеу жұмыстары басталады дегелі біраз жыл өтті. Мәселе әлі күнге сағызша созылып келеді. Депутаттарды сайлау науқаны кезінде осы мәселеге мейілінше мән беруіміз керек. Бізге халыққа жаны ашитын, талап-тілегімізге құлақ асып, мәселемізді шеше алатын депутаттар керек. Жыр болған жол мәселесінің жедел шешілуіне ықпал етуі қажет.
Біздің аймақтан қалалық мәслихат депутаттығына үміткерлермен таныстым, бағдарламаларын оқыдым. Солардың ішінде таңдауым Мерлан Керимжановқа түсіп, біздің депутат болуға лайықты деп санап отырмын. Талай жылдан бері қаланың шаруашылығына белсене араласып, осы салада мол тәжірибе жинаған азамат екен. Тұрғындарға нақты көмегі тиетініне сеніп отырмын. Аумақтың белсенді азаматы ретінде тұрғындарды сайлауда дұрыс таңдау жасап, осы жігітті қолдауға шақырамын.