ҚҰРЫЛЫСТЫ БАСТАҒАН КЕЗДЕ АБАЙ БОЛЫҢЫЗ!
«Су ресурстары-Маркетинг» ЖШС заң бөлімінің мамандары су құбыры және кәріз желілері бойындағы санитарлық-қорғау жолағының бұзылуын жою бойынша жұмысты жалғастыруда.
«Санитарлық-қорғау белдеулерін бастапқы күйіне келтіру жұмыстарын «Су ресурстары-Маркетинг» ЖШС заң бөлімі тұрақты негізде жүргізеді. Қазіргі уақытта Шымкентте санитарлық қорғау жолағы шегінде болған 2500-ге жуық нысан бар, дауларды реттеу үшін сотқа дейінгі және сот рәсімдері жүргізілуде» деді кәсіпорынның бас заңгері Дінмұхаммед Оңғар.
Заңды даулар мен қаржылық шығындарды болдырмау үшін тұрғын үй объектілерін де, кәсіпкерлік объектілерін де салуды бастамас бұрын, аумақта салынған сумен жабдықтау және су бұру желілері туралы сенімді ақпарат алу үшін «Су ресурстары-Маркетинг» ЖШС-не жүгіну ұсынылады. Олар болған жағдайда объектілерді тұрғызу кезінде санитарлық-қорғау жолағын сақтау керек.
Су құбыры және кәріз желілерінде авариялық жағдай туындаған кезде жөндеу қызметтеріне құбырдың проблемалық учаскесіне (коллекторға) жету және мәселені тез жою мүмкін болмайды. Қолжетімділіктің болмауы жоспарлы-алдын алу жұмыстарын жүргізуге мүмкіндік бермейді, бұл өте маңызды. Сонымен қатар, үлкен диаметрлі құбырлардың жарылуы тек материалдық зиянға ғана емес, адамдарға да әсер етуі мүмкін. Сақ болыңыз!
«Су ресурстары-Маркетинг»
ЖШС-нің қоғаммен байланыс бөлімі.
