БІЛІМ САЛАСЫНДА АТҚАРЫЛҒАН ШАРУА АЗ ЕМЕС

Білім – қоғамның көшін сүйрейтін сала. Сондықтан бұл саланың ел дамуындағы орны бөлек, маңызы ерек. Сәйкесінше, жыл сайын білімнің салтанат құрып, талапты да талантты жастардың ордасына айналуы үшін қыруар іс қолға алынып жатыр. Мәселен, биылдың өзінде Шымкент қаласында бірнеше мектепте күрделі жөндеу жұмыстары жүргізілді. Білім ордаларының ғимараттары жаңарып, материалдық-техникалық базасы да нығая түсті. 

нда қосымша оқу ғимараттары салынуда. Оның сапасы да қатаң бақылауда екенін айта кеткен жөн. Мәселен, жуырда Шымкент қаласының әкімі Мұрат Әйтенов М.Х.Дулати атындағы №8 мектеп-гимназиясында болып, қосымша салынып жатқан оқу ғимаратының құрылыс жұмыстарын тексерді. Нысан сапасын әкім бұған дейін де бірнеше рет келіп тексерген. Бекітілген өндірістік жұмыс кестесінен кешіккені үшін айыппұлдар салынып, жауапты тұлғаларға кеткен кемшіліктерді реттеуді тапсырған болатын. Қазіргі кезде барлық олқылықтар жойылып, құрылыс қарқынмен жүргізілуде. Жаңа ғимарат 1 100 оқушыға лайықталған. Одан бөлек жобада 250 орындық АКТ залы, спортзал, 20-30 мың кітап қоры бар кітапхана мен 320 орындық асхана қаралған.
Құрылысы өткен жылдың маусым айында басталған, жоспарға сәйкес 2023 жылы пайдалануға беріледі. Оқушыларға үш тілде білім беретін М.Х.Дулати атындағы №8 мектеп-гимназиясы – Шымкент қаласындағы ең көне мектеп. 2021 жылы Қазақстан бойынша үздік «100 олимпиадалық мектептер» тізіміне енген. Шаһар басшысы тек үздіктерді тәрбиелейтін білім ошағының қосымша ғимаратпен толығуы білімді жастардың артуына жол ашатынын айтып өтті.