Маңызды

«7-20-25» БАҒДАРЛАМАСЫ БОЙЫНША НЕСИЕНІ ҚАЙ БАНКТЕН АЛУҒА БОЛАДЫ?

Президенттің «Бес әлеуметтік бастамасына» сәйкес жарияланған «7-20-25» бағдарламасымен үй алуға тек қана басында басыбайлы баспанасы жоқ, бірақ тұрақты табысы бар жандардың қол жеткізетіні белгілі. Жуырда «Қазақстан Ұлттық банкінің» ОҚО филиалы директорының орынбасары Бақыт Әлімбекова журналистерге аталған бағдарлама аясында үйлі болуға ниеттенген азаматтардың ипотекалық қарызды тек Ислам банкінен басқа барлық екінші деңгейлі банктерден алуына болатындығын мәлімдеді.

Өз кезегінде ол екінші деңгейлі банктер бағдарлама қатысушысынан комиссия үшін ешқандай да теңге ұстап қалмайтындығын да шегеледі. Сонымен қатар ол бағдарлама бойынша несие алушыға сыйақы мөлшері 7 пайызды құрайтынын, тиісінше жылдық ипотекалық қарыз да 7 пайыз болатынын айтып өтті. Қаржы маманы «7-20-25» бағдарламасы бойынша үйлі болу үшін берілетін ипотека мөлшері өңірге байланысты белгіленетінін, соған сәйкес, Астана, Алматы, Ақтау мен Атырау үшін максималды мөлшер 25 млн. теңге болса, Шымкент және басқа қалаларда 10 млн. теңге болатынын мәлімдеді.

Д. ДУМАН.

Пікір жоқ

Пікір қалдыру