АГРОӨНЕРКӘСІПТІК КЕШЕНДІ ДАМЫТУ САЛАСЫНДА 60 ЖОБА ЖҮЗЕГЕ АСАДЫ

Жері құнарлы, ауа-райы қолайлы Түркістан облысы – еліміздегі ауыл шаруашылы дамыған алдыңғы қатардағы өңір. Жыл басынан бері ауыл шаруашылығындағы жалпы өнім көлемі 163,5 млрд теңгені құрап, нақты көлем индексі 102 пайызға орындалды. Оның ішінде өсімдік шаруашылығы 21,9 млрд теңгені құраса, мал шаруашылығында 139,5 млрд теңгенің өнімі өндірілді. Республикадағы үлесі 14,1%-ды құрап отыр.

Ауыл шаруашылығының негізгі капиталына 10,1 млрд теңге инвестиция тартылып, тиісті кезеңмен салыстырғанда 217,9%-ға артса, тамақ өндірісінің негізгі капиталына 1,1 млрд теңге инвестиция тартылып, тиісті кезеңмен салыстырғанда 147,5%-ға өсті. Биыл агроөнеркәсіптік кешен саласына жалпы құны 54,1 млрд теңгені құрайтын 60 жобаны іске асыру жоспарланған. Қазіргі таңда құны 4,9 млрд теңге болатын 16 жоба іске қосылды. Атап айтсақ, 200 басқа арналған тауарлы сүт фермасы, 4 мал бордақылау алаңы, 3 сүт өңдеу цехы, 2,1 га аумаққа 2 фермерлік жылыжай салынды. Сонымен қатар 490 га жерге жаңбырлатып суару бойынша 3 жоба, балық өсіру бойынша 3 жоба жүзеге асырылды.
Бұдан бөлек, құны 107,3 млн доллар болатын 271,5 мың тонна ауыл шаруашылығы өнімі шет елдерге экспортталды. Бұл көрсеткіш өткен жылдың тиісті кезеңімен салыстырғанда 1,5 есеге ұлғайды. Оның ішінде өсімдік шаруашылығы – 214,4 мың тонна (34,8 млн доллар), мал шаруашылығы 5 мың тонна (19,6 млн доллар) болса, 52 мың тонна (52,7 млн доллар) қайта өңдеу өнімдері экспортқа жөнелтілген.