Маңызды

Шымкентке іс-сапармен келген ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаевқа қала әкімі Ғабидолла Әбдірахымов «Shymkent» ӘКК алаңында орналасқан мемлекеттік қолдау мен мемлекеттік көрсетілетін қызметтер «бір терезе» қағидаты бойынша көрсетілетін «Бизнеске арналған Үкімет» бірыңғай орталығымен таныстырды.
«Бизнес супермаркет» және «E-Commerce Center» электронды коммерция орталықтарының жұмысымен танысқан Агенттік төрағасы оң бағасын беріп, қолайлы инвестициялық жағдай жасау және бизнес пен инвесторлардың мемлекеттік билік институттарына деген сенімін арттыру бойынша бірлесе жұмыс істеуге дайын екендерін жеткізді.
Орталықты таныстыру барысында «Shymkent» ӘКК төрағасының орынбасары Л.Бобрышев «Бизнеске арналған Үкіметтің» қолжетімді 6 мамандандырылған қызмет аймағының функцияларын егжей-тегжейлі түсіндірді. Мемлекеттік қызмет, өткізу; қаржыландыру, құқықтық сүйемелдеу, құзырет, сандық қызметтер сынды аймақтар цифрландыру-сыбайлас жемқорлық көріністерінен ада ортаны қалыптастырудың негізгі көмекшісі, сондай-ақ, «цифрландыру» азаматтарға үйден немесе жұмыстан шықпай қызмет алуға қолайлы жағдай жасайды.

Шымкент қаласы әкімдігінің баспасөз қызметі.

Осы аптаның сәрсенбісінде Білім және ғылым вице-министрі
Элмира Суханбердиева күдікті ретінде екі айға қамауға алынды. Еліміздің сыбайлас жемқорлыққа қарсы іс-қимыл ұлттық бюросы білім және ғылым вице-министріне қатысты сотқа дейінгі тергеу
жұмыстарын бастап кетті.

Өз кезегінде Нұр-Сұлтан қаласының мамандырылған ауданаралық тергеу соты күдікті Эльмира Суханбердиеваға қатысты екі айға қамауға алу шарасын қолдануға шешім шығарғанын, оны қамауда ұстау мерзімі 2019 жылдың 2-тамызына дейін белгіленгені туралы мәлімдеме жасады.
Сыбайлас жемқорлыққа қарсы іс-қимыл ұлттық бюросы оған қандай айып тағылып отырғанын бірден ашып айтпады. Тек келесі күні, яғни, 6-маусымда ұлттық бюроның ресми өкілі Жанна Бастарова білім және ғылым вице-министріне қатысты лауазымдық өкілеттіліктерін теріс пайдалану, пара алу, кәсіпкерлік қызметке заңсыз қатысу фактілері бойынша сотқа дейінгі тергеу басталғанын, оған сот санкциясымен күзетпен ұстау шарасы қабылданғанын, тергеу жалғасып жатқанын мәлімдеді. Сонымен қатар ол, қылмыстық-процестік кодекстің 201-бабына сәйкес өзге ақпарат жария етілмейтінін де атап өтті.
Естеріңізде болса өткен мамыр айында ел президенті Қасым-Жомарт Тоқаев қарамағындағы қызметкерлері жемқорлық жасаса, мемлекеттік орган басшылары қызметімен қош айтысуы тиістігін қадап айтқан болатын. Мемлекет басшысының бұл мәлімдемесінен кейін қол астындағы қызметкері үшін беті қызарған министрлер көбейіп жатқандай ма қалай өзі?!
Осыдан біраз бұрын Қазақстан Республикасы Ұлттық экономика министрі Руслан Дәленовтың қарамағындағы қызметкері атап айтқанда, кәсіпкерлікті дамыту департаментінің директоры Асланбек Жақыпов алаяқтық бабы бойына шатылған еді. Сол кезде азық-түлік бағалары бойынша базарда «барлау» жүргізетіндігімен көзге түскен Дәленовке мемлекет басшысының айтқан сөзі бойынша, алдағы уақытта қандай шешім шығаратыны тұрғысындағы сұрақтар қарша борағаны белгілі. Сол кезде ол «сот үкімі күшіне енген кезде ғана отставкаға шығамын» деп кесіп айтқандай болған еді. Сот 29-мамыр күні А. Жақыповты үш жылға бас бостандығынан айырды. Содан бері Дәленовтың «отставкаға кетемін» дегенін көрмедік те, естімедік те…
Енді жұрттың назары Білім және ғылым министрі Күләш Шәмшидиноваға ауа түсті. Осыған орай оған да әлгіндей Дәленовке қойылған сұрақтар бағытталғанда К. Шәмшидинова «әзірге ештеңе айтпаймын, уақыт көрсетеді. Бірақ президенттің соңғы жолдауын ескерсек, онда бұл мүмкін шығар» деп жауап береді.

Қ. ҚАЛИЕВ.

Оқу жылы аяқталған соң кез келген мектепке қандай да бір жөндеу жұмыстарын жүргізу керек. Бірінің қабырғаларына әрлеу жұмыстарын жүргізу қажет болса, енді бірінде кафелдерді ауыстыруға тура келеді. Осындай мақсаттар үшін биыл Шымкенттегі мектептерге ағымдағы жөндеу жұмыстарын жүргізу үшін бюджеттен 260 миллион теңге қаралып отыр. Білім ұяларын ағымды жөндеуден өткізу үшін бюджеттен ақша бөлу осыдан үш жыл бұрын қала әкімі Ғабидолла Әбдірахымовтың бастамасымен қолға алынған болатын. Содан бергі жылдары бұл мақсат үшін ата-аналардан бірде бір теңге жиналмауы керек. Бұған қатаң тиым салынған. Біз үшін басты мақсат – білім деңгейін арттыру.
Осыдан бірнеше күн бұрын мектеп, колледж директорларымен арнайы мəжіліс өткізген қала әкімінің бірінші орынбасары Қайрат Нұртай аталған жиын туралы өзінің инста-парақшасында осылай деді. Оқу жылының аяқталуына орай алдағы уақытта атқарылатын жұмыстарды бір пысықтап алу мақсатында өткен жиынға мемлекеттік қызмет істері мен сыбайлас жемқорлыққа қарсы іс-қимыл департаментінің өкілдері де қатысты.
Қайрат Нұртай бұл жиында күн тәртібінде бірнеше мәселелер, атап айтқанда, оқулық, емтихан кезеңі мен мектептердегі жөндеу жұмыстары болғанын айта келе, «болашақта жастарымыздың білікті маман болмағы бүгінгі беріп жатқан білімге тікелей байланысты. Сол себепті мұғалімдердің біліктілігін арттыруға көңіл бөлуді тапсырдым. Жаз маусымында балаларымыз тынығатын болса, біздер осы уақытта олардың сапалы білім алуына тиісті жағдайлардың барлығын жасауымыз қажет» деді. Сонымен қатар ол, тиісті мамандарға алдағы емтихан тапсыру науқаны кезеңін шиеленістірмей, қалыпты жағдайда өтуін, түлектердің психологиялық ахуалы оқушының емтихан тапсыруына кедергі келтірмеуі қажеттігін ескертті.
С. НҰРАЙ.

«Шымкент плаза» сауда үйінің басшылығы қаладағы дендросаябақта балалар ойын алаңшасын салды. Ойын жабдықтары бар алаң енді балалардың сүйікті орындарының біріне айналмақ.

Бұл туралы Шымкент қаласының әкімі Ғабидолла Әбдірахымов өзінің инстаграм парақшасында мәлімдеді. 5 маусым – Дүниежүзілік қоршаған ортаны қорғау күніне орай дендробақты аралап, сол жерден бейнежазба жасаған қала әкімі барлық кәсіпкерлерді осындай ойын алаңдарын салуға шақырды. Сонымен қатар ол, дендробақта 1800 метрге жалғасқан жүгіру жолағы салынғанын, енді күнделікті таңертең тұрғындардың осы жерде шынығып, шымыр болуына кеңес берді.
Бүгінгі таңда қаламызда 11 саябақ және 32 гүлзар бар екен.

М. ӘБДІРАЙЫМ.

Су ресурстары комитеті төрағасы Ислам Әбішев кезекті негізсіз жаланың құрбаны болуда…

Бүкіл ғұмыры ел игілігі жолында ерен еңбек етумен келе жатқан, мемлекет мүддесін қорғауда жанкештілігімен белгілі, адал да іскер басшы, руханиятқа қамқор рухы биік қайраткер, игілікті істерімен исі қазаққа танымал Ислам Әбішевтың аяқ асты, кенеттен тұтқындалуы елдің төбесінен жай түскендей әсер етті. Ал Қазақтың атқа мінгендері құласа, алақайлап шабатын кейбір басылымдар асыра сілтеп, жарыса жазып жатты…
Оңтүстікті ордалы өлке етуде оңды істерімен көрінген, Өскеменді өскелең қала еткен, су саласын ел мүддесіне жаратып келе жатқан, сол үшін Елбасының талай алғысы мен марапатын иеленген Су ресурстары комитеті төрағасы Ислам Әбішевті ел мемлекет мүддесін қорғаушы, іскер де дарынды ұйымдастырушы, алғыр да адал азамат ретінде жақсы біледі. Ол осы қызметке кірісе салысымен, мемлекет қазынасынан алдымен 300 миллиард теңгені үнемдегенде жоғары жақ та, қарапайым халық та риза болған еді. Кейін мемлекеттік бағдарламаға бөлінгелі тұрған 1 триллион 500 миллиард теңгенің 1 триллиондайын үнемдегені кезінде баспасөзде көп жазылды.
Сонымен барлығы мемлекет қаржысынан, яғни сіз бен біздің, халық қазынасынан жеке қалталарға жем болғалы тұрған 1 триллион 300 миллиардтай теңгені үнемдеді. Ал өзге мемлекетте мемлекет мүддесін осылай қорғаған бұндай іскер де, адал басшыны маңдайынан сыйпап, марапаттаушы еді… ал бізде тұтқындап отыр…
Бірақ бұл xалық қазынасын қызғыштай қорғап, қыруар қаржыны үнемдеуі Ислам Әбішевтың өзіне де оңай болмай, тым «қымбатқа» түсті. Енді міне, алдағы екі айға жетер-жетпес уақытта зейнет демалысына шықпақшы болып отырғанда, күмәнді біреулердің жала жапқан арызы бойынша ешқандай нақты дәлелсіз кенеттен тұтқындалды… Атпал азамат, қаранар қайраткеріміздің Халық игілігі үшін «Күндіз отырмай, түнде ұйықтамай, қара терін төккен» күндерінің өтеуі – пайғамбар жасына келгенде, жүрегі ауру, қан қысымы 160-тан түспейтін жағдайда тастай суық тас түрмеде күнін өткізу болып тұр…
1. Бәрі 2012-2013 жылдары Су ресурстары комитеті төрағасы Ислам Әбішевтың Су саласына бюджеттен бөлінер қаржыдан 300 миллиард теңгені үнемдегенінен басталды. Қолдан сусып шығып кеткен миллиардтардың тасасында тұрғандар тас атқылап, талай жалаға ұшырады. Исекең оның бәрінен күйе жұқтырмай, талай тексерістен таза шықты. Соңына шам алып түскендер Исекеңді ақыры жұмыстан кетірді. Соның кесірінен Ислам Әбішев 9 ай жұмыссыз жүрді.
«Аққа құдай жақ» дегендей, ақыры кімнің кім екенін бәрімізден жақсы білетін Елбасымыз Нұрсұлтан Назарбаев «ҚР Су ресурстарын дамытудың мемлекеттік бағдарламасын» одан үш есе арзан, есесіне бірнеше есе жұмыс көлемі артық балама бағдарлама ұсынған Ислам Әбішевты өзі шақырып алып, өзінің бұрынғы төрағалық төріне қайта отырғызды.
Содан бері Ислам Әбішев елімізді суландыру саласында мемлекеттік бағдарлама қабылдатып, талай жерді суландырып, халық қазынасынан триллионнан аса қаржы үнемдеп, мемлекеттік деңгейдегі менеджер ретінде танылды. Инвестиция тартуда да икемділігін көрсетіп, ауыл шаруашылығы саласына қыруар қаржы түсірді.
2. 2015-2016 жылдарыИслам Әбішев мемлекеттік бағдарламаға бөлінгелі тұрған 1 триллион 500 миллиард теңгенің 1 триллиондайын үнемдеді. Сол-ақ екен, тексеріспен тыныштық бермегендер ақыры тағы бір алаяқтың арызы арқасында «Қазақстан су шаруашылығы» республикалық мемлекеттік кәсіпорнының бұрынғы бас директоры Өмірбек Жампозовты жазықсыз тұтқындады.
Иә, әділетсіз жалаға күйіп кеткен Өмірбек Жампозов 2017 жылы 20 шілдеде Ақмола облысы Целиноград ауданы прокуратурасы алдында прокуратура қызметкері мен полицейге оқ атып, жаралаған. Содан соң «АЛЖИР» саяси қуғын-сүргін құрбандарының қасірет мұражайы алдында өзін атып өлтірді.
3. Ал 2018 жылы Су ресурстары комитеті «ҚазСуШар» Алматы филиалы директоры Сейілхан Мырзаханұлы Мұхамедиев тергеушілердің тергеуі үстінде 4-ші қабаттан секіріп кетіп, жұмбақ жағдайда қайғылы қазаға ұшырады…
Су шаруашылығы басшыларын «аулаудың» ақыры міне, Су ресурстары комитетінің төрағасы Ислам Әбішевтің өзіне жетіп, негізсіз тұтқындауға келіп тірелді…
(Жалғасы. Басы 1-бетте)

4. Қазақстан Президенті Қасым-Жомарт Тоқаев таяуда Ауылшаруашылығы министрі Сапархан Омаровты қабылдағанда, суармалы егіншілік жерлерін 1,4 миллионнан 2 миллион гектарға арттыруды жалғастыру, сондай-ақ, егістік алқаптарын әртараптандырудың қажеттігін тапсырды.
Міне, мемлекет басшысы баса назар аударғандай, Ислам Әбішевтың басшылығымен соңғы 2018-2019 жылдары 1,4 миллион гектар жерге қосымша енді бұрын жарамсыз болып келген 610,0 мың га жерді суландыруға барлық жоспарын жасап, кірісіп кетуге дайын тұрған болатын… Ал бұл қаншама мыңдаған жұмыс орны екені белгілі.
Екі айдан соң зейнетке шығатын Ислам Әлмаxанұлы xалық қазынасын – мемлекеттік мүддені қалай қорғаса, Ұлттық мүддені де қорғауда да сондай табандылық танытып жүреді. Өзі әкім болған үш жылда үлгілі де, өскелең қалаға айналдырып жіберген Өскеменнің көркін ғана көркейтіп кеткен жоқ, экономикалық-әлеуметтік деңгейін де биік көтерді. Елбасымыз Нұрсұлтан Назарбаев Өскеменге бір келгенде Ислам Әбішевтың еңбегіне қатты риза болып, «Өскеменді лезде өзгертіп жіберіпсің» деп, арқасынан қағып кеткен болатын.
Сондықтан да Ислам Әбішев қызмет бабымен Астанаға ауысарда қаланың тайлы-тұяғы қалмай, сүйікті әкімін шығарып салушылар әуежайды басып қалды… Бұл оқиғаны жергілікті орыс тілді газеттер «Өскемендіктер найзамен қарсы алған әкімді көз жасымен шығарып салды» деп жазды.
Исекең мемлекет мүлкі, халық қазынасы түгілі ешкімнің ала жібін аттамайтын, қиналғанға астындағы жалғыз атын түсіп беріп кете беретін ақ көңіл де, адал, иманды, зады зиялы жан.
Енді міне, мемлекеттің триллионнан аса қаржысын үнемдеп, халық қазынасын қорғап, ел игілігіне еңбек еткен Ислам Әбішевтің тағы да тосқауылға тап болып, дәлелсіз-дәйексіз тас түрмеде күн өткізіп, қамауда жатқанын қалай түсінуге болады?
Ал тапсырыс беруші кім болуы мүмкін? Дәу де болса, Ислам Әбішевтың мемлекет қаржысынан үнемдеген миллиардтары жанына қатты батып кеткен шонжарлар болуы мүмкін… «Аққа құдай жақ» дегендей, ешкім де, ешнәрсе де ұмытылмайды. Ертең тасадан тас атқыштар да істеген істеріне Ар алдында да, Заң алдында да, ең бастысы Алла алдында жауап береді.
«Қазақ үні» газеті мен ұлттық порталында жарияланған «ТРИЛЛИОН ҮНЕМДЕСЕҢ – ТҮРМЕГЕ ТҮСЕСІҢ» атты мақаланы бір күнде он мыңға жуық адам оқып, әлеуметтік желіде қаншама адам бөлісіп, қаншама оқырман пікір жазып, айтулы азаматты айқын қолдап, өз үндерін қосуда.
Біз, Ұлт зиялылары, елі үшін еселі еңбек етіп келе жатқан еріміз Ислам Әбішевтың ісі әділ де, оң шешілуін, жазықсыз азамат жала құрбаны болып, бекерге күйіп кетпеуін сұраймыз.
Құрметпен, ұлт зиялылары:
Мәтінді толық оқыдым, қолдаймын және қолымнан бас тартпаймын:

Қабдеш Жұмәділов, жазушы, Қазақстанның халық жазушысы, Мемлекеттік сыйлықтың лауреаты;
Сәбит Досанов, жазушы, Мемлекеттік сыйлықтың лауреаты, Шолохов атындағы Халықаралық сыйлықтың лауреаты;
Дулат Исабеков, жазушы-драматург, Мемлекеттік сыйлықтың лауреаты;
Нұрғали Нүсіпжанов, Қазақстанның Халық әртісі, Мемлекеттік сыйлықтың лауреаты;
Роза Рымбаева, Қазақстанның Халық әртісі, Мемлекеттік сыйлықтың лауреаты;
Төлен Әбдік, жазушы-драматург, Мемлекеттік сыйлықтың лауреаты;
Бексұлтан Нұржекеев, жазушы, Мемлекеттік сыйлықтың лауреаты;
Досхан Жолжақсынов, Қазақстанның Халық әртісі, Мемлекеттік сыйлықтың лауреаты;
Смағұл Елубай, жазушы, Қазақстанның Еңбегі сіңген қайраткері,
Темірхан Медетбек, ақын, Мемлекеттік сыйлықтың лауреаты;
Рафаэль Ниязбек, ақын, «Түркі дүниесіне қызмет» сыйлығының лауреаты;
Исраил Сапарбай, ақын, Тәуелсіз Тарлан – Платина сыйлығының лауреаты, «Парасат» ордені иегері;
Тұрсын Жұртбай, жазушы, алаштанушы;
Төлеген Мұхаметжанов, композитор, Мемлекеттік сыйлықтың лауреаты.
Талғат Теменов, режиссер, Қазақстанның Халық әртісі, Мемлекеттік сыйлықтың лауреаты;
Ұлықбек Есдәулет, ақын, Қазақстан Жазушылар Одағы басқармасының төрағасы, Мемлекеттік сыйлықтың лауреаты, Қазақстанның Еңбегі сіңген қайраткері;
Есенғали Раушанов, ақын, Мемлекеттік сыйлықтың лауреаты, Қазақстанның Еңбегі сіңген қайраткері;
Тыныштықбек Әбдікәкімұлы, ақын, Мемлекеттік сыйлықтың лауреаты;
Көпен Әмірбек, «Ара» газетінің Бас редакторы, Қазақстанның Еңбегі сіңген қайраткері, Халықаралық Алаш сыйлығының лауреаты;
Сембек Жұмағалиев, Қазақстанның еңбек сіңірген қайраткері.
Ақжол Мейірбеков, Қазақстанның еңбек сіңірген әртісі.
Нұрлан Өнербаев, әнші, Қазақстанның еңбек сіңірген әртісі.
Дандай Ысқақ, филология ғылымы докторы, профессор, «Құрмет» орденінің иегері, Күлтегін атындағы сыйлықтың лауреаты, Халықаралық Ш.Айтматов академиясының академигі;
Мырзагелді Кемел, экономика ғылымы доқторы, профессор;
Құлбек Ергөбек, филология ғылымы докторы, профессор,
Бақыт Сарбалаұлы, сыншы, Халықаралық Алаш сыйлығының лауреаты;
Жанғали Жүзбай, күйші, КР Еңбек сіңірген қайраткері;
Ханбибі Есенқарақызы, ақын, Қазақстанның Еңбегі сіңген қайраткері, Халықаралық Алаш сыйлығының лауреаты;
Марат Тоқашбай, журналист-жазушы, «Президент және Халық» газетінің Бас редакторы, ҚР Педагогика ғылымы академиясының корреспондент мүшесі
Ұлықпан Сыдықов, техника ғылымы докторы, профессор;
Дариға Тұранқұлова, профессор, Қазақстанның еңбек сіңірген қайраткері.
Айжан Нұрмағамбетова, Қазақстанның еңбек сіңірген әртісі.
Бағдат Сәметдинова, Қазақстанның еңбек сіңірген әртісі.
Бахтияр Тайлақбаев, Қазақстанның еңбек сіңірген әртісі.
Гүлнар Сихымбаева Қазақстанның еңбек сіңірген әртісі.
Марат Ильясов, композитор, Қазақстанның еңбек сіңірген әртісі;
Марат Омаров, композитор, Қазақстанның еңбек сіңірген әртісі.
Нұрлан Байкөзов, композитор, Қазақстанның Мәдениет қайраткері.
Гаухар Балтабаева, филология ғылымы докторы, профессор,
Ғалым Жайлыбай, ақын, Қазақстанның Еңбегі сіңген қайраткері, Халықаралық Алаш сыйлығының лауреаты;
Секен Тұрысбеков, күйші, Қазақстанның Еңбегі сіңген қайраткері;
Ертай Ашықбаев, ақын-журналист, Халықаралық Алаш сыйлығының лауреаты;
Бауыржан Қарабек, ақын, Халықаралық Алаш сыйлығының лауреаты;
Қасымхан Бегманов, ақын, Қазақстанның Еңбегі сіңген қайраткері, Халықаралық Алаш сыйлығының лауреаты;
Ертай Айғалиұлы, «Қазақстан-Заман» газетiнiң Бас редакторы;
Ермұрат Бәпи, журналист, «Дат» жобасының жетекшісі
Серік Жанболат, журналист, «Алаш айнасы» порталы Бас редакторы;
Бауыржан Жақып, ақын, Қазақстан Жазушылар Одағы басқармасы төрағасының орынбасары, М.Мақатаев атындағы сыйлықтың лауреаты; ҚР Ұлттық ғылым академиясының корреспондент мүшесі;
Қазыбек Иса, ақын, Халықаралық Алаш сыйлығының лауреаты, Халықаралық С. Есенин атындағы сыйлық – «Алтын Күз» ордені иегері, ЮНЕСКО Әлем өнері мен мәдениеті академиясының академигі;
Маралтай Райымбекұлы, ақын, Қазақстанның Еңбегі сіңген қайраткері, Халықаралық Алаш сыйлығының лауреаты;
Бақыт Беделхан, ақын, Қазақстан Жазушылар Одағы басқармасы төрағасының орынбасары, Халықаралық Алаш сыйлығының лауреаты;
Бауыржан Бабажанұлы, ақын-журналист, «Ақтөбе» облыстық газетінің Бас редакторы;
Дәурен Қуат, жазушы, «Қазақ әдебиеті» газетінің Бас редакторы;
Абзал Құспан, заңгер, адвокат;
Жұбаныш Жексенұлы, әнші, Қазақстанның Еңбегі сіңген қайраткері;
Елена Әбдіхалықова, әнші-сазгер, Қазақстанның Еңбегі сіңген қайраткері;
Лұқпан Жолдасов – Қазақстанның еңбек сіңірген қайраткері.
Медеу Арынбаев – Қазақстанның еңбек сіңірген қайраткері.
Қыдырәлі Болманов – әнші, продюсер, Қазақстанның еңбек сіңірген қайраткері.
Жанар Айжанова – әнші, Қазақстанның еңбек сіңірген қайраткері.
Бақыт Шадаева, әнші, Қазақстанның еңбек сіңірген қайраткері.
Жеңіс Ысқақова – Қазақстанның еңбек сіңірген қайраткері.
Жеңіс Сейдоллаұлы – Қазақстанның еңбек сіңірген қайраткері.
Болат Құсайынов – Қазақстанның еңбек сіңірген қайраткері.
Алтынай Жорабаева – Қазақстанның еңбек сіңірген қайраткері.
Маржан Арапбаева – әнші, «Азия дауысы» байқауының жеңімпазы, Қазақстанның еңбек сіңірген қайраткері.
Саят Медеуов, әнші, Қазақстанның еңбек сіңірген қайраткері.
Гаухар Әлімбекова, әнші, Халықаралық байқаулардың жүлдегері
Алма Аманжолова – әнші. Қазақстанның еңбек сіңірген қайраткері.
Қалдыбек Құрманәлі – композитор, «Құрмет» орденінің иегері.
Асқар Наймантаев – Қазақстанның еңбек сіңірген қайраткері.
Мұхаметжан Мырзакеев – Қазақстанның Мәдениет қайраткері.
Гүлбаушан Тілеубекова – Қазақстанның еңбек сіңірген қайраткері.
Данагүл Темірсұлтанова – Қазақстанның еңбек сіңірген қайраткері.
Ұлан Нүсіпәлі – Қазақстанның еңбек сіңірген қайраткері.
Дархан Дайырбай – Қазақстанның еңбек сіңірген қайраткері.
Асқар Жүнісбеков – әнші, «Жас қанат» байқауының лауреаты.
Қайрат Түнтеков – әнші, «Суперстар» жобасының жеңімпазы.
Дәулеткерей Кәпұлы, ақын, Қазақстан Жазушылар Одағы Нұр-Сұлтан қалалық филиалы төрағасы, Қазақстанның Еңбегі сіңген қайраткері;
Бекарыс Шойбеков, ақын, Қазақстанның Еңбегі сіңген қайраткері;
Мырзан Кенжебай, ақын, «Мәдениет» журналы Бас редакторының орынбасары, ҚР Мәдениет қайраткері;
Алмас Ахметбекұлы, ақын, ҚР Мәдениет қайраткері;
Құлтөлеу Мұқаш, журналист-жазушы, «Қазақ үні» газетінің Бас редакторы, ҚР Мәдениет қайраткері, Қазақстан Журналистер одағы сыйлығының лауреаты;
Берік Бейсенұлы, журналист, «Қамшы.кз» сайтының Бас редакторы, Қазақстан Журналистер одағы сыйлығының лауреаты;
Сәуле Әбілдаханқызы, тележурналист, блогер «Астана-Ақжүніс» журналының Бас редакторы;
Мағауия Қозбағаров – «Тамашаның тарланы, «Күлкістан» театрының директоры, продюсер.
Есқайыр Бабаханов – «Дос-Мұқасан» тобының мүшесі, Жамбыл атындағы Мемлекеттік филармониясының директорының орынбасары, Қазақстанның еңбек сіңірген қайраткері.
Болат Бөкенов – Абай атындағы опера және балет театрының әншісі, Қазақстанның еңбек сіңірген қайраткері.
Сейфуллин Жолбарыс – әнші, композитор, Қазақстанның еңбек сіңірген қайраткері.
Сая Махамбет – әнші, Халықаралық байқаулардың жеңімпазы.
Ерғали Әбдірайымов, «Жігіттер» тобы продюсері,
Есен Елеукен – «Жайдарман» КВН жобасының продюсері.
Нұрлан Еспанов – әнші, композитор.
Өктем Алтаев, әнші-сазгер, Қазақ өнерінің қайраткері.
Бақытжан Қажымұқанов – әнші, композитор;
Әділхан Қабылов – Тамашаның тарланы ;
Өмірзақ Ақжігіт, тәуелсіз журналист;
Серік Мәмбетов, тәуелсіз журналист;
Қажымұқан Ғабдолла, «Жүздесу» газеті Бас редакторы, «Қазақ елі» қоғамдық ұйымы төрағасы;
Дастан Елдесов, журналист, ҚР Ақпарат ісінің үздігі;
Бақытжан Алдияр, ақын, Халықаралық Алаш сыйлығының лауреаты;
Сәкен Сыбанбай, журналист, ҚР Ақпарат ісінің үздігі.
Әлібек Шегебай, ақын, Қазақстан Жазушылар Одағы Түркістан облыстық филиалы төрағасы, Қазақстанның «Серпер» жастар сыйлығының лауреаты;
Бекжан Әшірбаев, журналист, ҚР Ақпарат ісінің үздігі.
Нартай Өтегенов, тележурналист, ҚР Ақпарат ісінің үздігі.
Серік Сейтман, ақын, Т.Айбергенов атындағы сыйлықтың лауреаты
Азамат Тасқараұлы, ақын, Qazaquni.kz порталы Бас редакторы, «Дарын» мемлекеттік жастар сыйлығының лауреаты;
Төлемырза Темірбекұлы, журналист, «Төртінші билік» газеті Бас редакторы, ҚР Мәдениет қайраткері.
Нұргелді Әбдіғаниұлы, «Абай.кз» сайты Бас редакторының орынбасары, Ақпарат саласының үздігі;
Сәлия Әбдікәрімова, журналист, «Жұрағат» журналы Бас редакторы, ҚР Мәдениет қайраткері.
Зейнолла Абажан, журналист, ҚР Ақпарат ісінің үздігі;
Гүлмира Садық, журналист, Республикалық байқаулардың жүлдегері;
Батырхан Сәрсенхан, ақын, журналист, Республикалық «Шабыт» фестивалының Гран При иегері;
Геройхан Қыстаубай, тәуелсіз журналист, қоғам белсендісі;
Әуелхан Шонжан, блогер, қоғам белсендісі;
Алтынбай Мұса, ҚР Мәдениет қайраткері
Мәмбет Құрманбаев, блогер, қоғам белсендісі;
Жасұлан Иса, заңгер, тіл күрескері;
Мұқағали Балқыбай, қоғам белсендісі, тіл күрескері;
Тәшман Шекеров, әнші-термеші, ЮНЕСКО «Ұлттық өнер жанашыры» марапаты иегері;
Әбдіғаппар Айдаров, әнші-термеші, Халықаралық термешілер конкурсы байқауының лауреаты, ЮНЕСКО «Ұлттық өнер жанашыры» марапаты иегері;
Әкім Мұсақұлов, әнші-сазгер, ҚР Мәдениет қайраткері;
Тұрғанбек Қанаев, ақын, «Құрмет» ордені иегері, ҚР Журналистер одағы мүшесі;
Нұрғали Ибрайым, педагог, ақын, Республикалық мүшәйралардың жүлдегері, ҚР Журналистер одағы мүшесі;
Әбдімәлік Ағыбай, журналист, ҚР Журналистер одағы мүшесі;
Нұрмахан Қары, журналист-баспагер, ҚР Журналистер одағы мүшесі;
Ораз Момын, кәсіпкер, қоғам белсендісі;
Сәбит Лахан, журналист, ақын, Республикалық мүшәйралардың жүлдегері;
Құрбанбек Шәмет, ақын, ҚР Журналистер одағы мүшесі;
Бегайдар Смадиярұлы, ел ағасы, ауыл биі;
Жұмабай Исым, ел ағасы, ауыл биі;
Ұлмекен Лесбек, журналист, ақын, Республикалық мүшәйралардың жүлдегері.
Құдияр Біләл, жазушы, ҚР Мәдениет қайраткері;
Бауыржан Тұрғара, композитор, ҚР Мәдениет қайраткері;
Юрий Владимирович Ан, кәсіпкер;
Бақыт Қалымбет, тіл жанашыры, Алматы қаласы әкім аппараты қызмекері
Арыстанбек Садырбаев, Полиция полковнигі;
Шоқан Қалымбетов, Заңгер;
Бердімұрат Пердебекұлы;
Абдулла Мейірбеков, кәсіпкер;
Жүніс Алданазар;
Өскенбай Орманов, зейнеткер;
Әбдіхалық Алтынбеков;
Аслан Полатов, жоғары дәрежелі дәрігер;
Ерке Алиакбар;
Қайрат Ұлықбекұлы, инженер;
Кенжебай Әлімбай, кәсіпкер;
Каналбай Ақбаев;
Ұлан Темір, кәсіпкер;
Уайыс Тойшыбеков;
Бауыржан Иманалиев;
Данияр Айкузов;
Сәрсенбек Болатов, құрылысшы;
Барлығы 154 адам қол қойған. Қол қою жалғасуда.