Маңызды

Шымкент қаласы Полиция департаментінің автокөлік шаруашылығы жаңа көліктермен толықты.
Бұл мемлекет басшысы Қасым-Жомарт Тоқаевтың «Қадамдық қолжетімділіктегі полиция» қағидатын одан ары іске асыруға бағытталған. Полиция қызметкерінің нәтижелі жұмысы үшін барлық мүмкіндіктерді ұсыну қажеттігін ескере отырып, осы саланың материалдық-техникалық базасын нығайту бойынша жұмыстар жүргізілуде. Бұл полицейлердің барынша жедел әрекет етіп, қоғамдық құқықтық тәртіпті қамтамасыз ету бойынша жұмысының тиімділігіне ықпал етеді.
Осы орайда, Шымкент қаласы Полиция департаментінің бастығы полиция генерал-майоры Ералы Жумаханбетов автошаруашылықтың жұмысын пысықтау мақсатында, онда арнайы барды.
Департаменттің автокөлік шаруашылығы қызметкерлерінің айтуынша, барлық автокөліктер заманауи арнайы техникамен, бейнетіркеуіштермен және навигациялық жүйелермен жабдықталған. Бұл нақты уақыт режимінде ұстау топтарының жұмысын үйлестіруге және нарядтардың оқиға орнына немесе күзетілетін объектіге келу уақытын азайтуға мүмкіндік береді.
Қаланың бас полицейі қиын-қыстау кезде қоғамдық қауіпсіздікті және азаматтардың тыныштығын қамтамасыз еткен тәртіп сақшыларына алғысын білдіріп, жаңа автокөліктер полицейлерге одан әрі мобильді болуға және азаматтардың шақыртуына шұғыл жетуге мүмкіндік беретініне сенім білдірді.
«Еліміздің Президенті Қасым-Жомарт Кемелұлына үлкен алғысымды білдіргім келеді. Полицияның жұмысына барынша қолдау көрсетіліп, оңтайлы жағдай жасалуда. Қаңтар оқиғасында полицияның қызметтік автокөліктері зақымданғаны баршаға белгілі. Осыған байланысты, Шымкент қаласының Полиция департаментіне 63 автокөлік бөлінді. Біздің жұмысымыз үшін барлық мүмкіндіктер ұсынылуда. Бұл жағдайда тәртіп сақшылары ары қарай да бар күш-жігерін салып, халыққа адал қызмет ететініне сенімдімін», -деді Ералы Жумаханбетов.
Еске сала кетейік, қаңтар оқиғасында Шымкент қаласы Полиция департаментінің бірқатар қызметтік автокөліктері зақымданып, істен шыққан болатын.

Шымкент қаласы әкімі Мұрат Әйтеновтің қатысуымен,
Қайнарбұлақтағы №106 мектепте, аумақтағы инфрақұрылым жүйелері жұмыстарының барысы талқыланды.

Тұрғын алапты инфрақұрылым жүйелерімен қамтуда түбегейлі және жүйелі жұмыстар жүргізу жоспарланған. 18 көшеде асфальт болса, 2022 жылы жаңа құрылыс аумағында (№125 ЖОМ аумағы) аты жоқ көшелерге бюджет есебінен асфальт төсеу жұмыстары инфрақұрылым жүйелерінің құрылысынан кейін жүргізілмек. 2023 те жаңақұрылыс аумағында аты жоқ 10 көшеге асфальт төсеу жоспарда бар.

2020 жылы Әбілда Бөлешов, «Степная», «Қайнарбұлақ тас жолы» көшелері жарықтандырылған.
Биыл «Әбілда Бөлешов» көшесінің жалғасы, Таскешу елді мекеніне қарай жарықтандырылады.

Елді мекеннің жаңақұрылыс аумағына (№83 мектеп жанына) «Кселл» компаниясының базалық станциясы орнатылды. Жеке инвестор тарапынан сапалы интернетпен қамту жұмыстары 2022 жылдың III тоқсанында аяқталады деп күтілуде.

Елді мекенде бір мәдениет үйі жөндеуді қажет етсе, 5 спорт алаңша пайдалануға берілген.

Қала әкімі кездесуде елді мекендерде әр салалық бағыт бойынша жұмыстарды баяндап, әрбір сауалға жеке-жеке жауап берді. Осындай кездесулердің халық қажеттілігін тиімді шешуде маңызды екенін атап өткен М. Әйтенов, өтініштер мен сауалдар бойынша аудан әкімі мен сала жетекшілеріне нақты тапсырмалар берді.

Мемлекет басшысы халыққа Жолдауында елімізде полиция қызметінің сервистік моделіне көшу жайлы тапсырма берген болатын. Осы тапсырмаға сәйкес, Шымкент қаласында полицияның заманауи пункттері қызметіне кіріскен. Солардың бірі — Әл-Фараби АПБ-на қарасты №23 модульдік полиция пункті. Онда тәртіп сақшыларының халықпен тығыз жұмыс істеуіне жағдай жасалып, тұрғындар көп жүретін қала орталығына қажет қондырғылармен жабдықталған.

Бұл бекетте қоғамдық тәртіптің сақталуын қадағалайтын, аумақты патрульдейтін полиция қызметкерлері тәулік бойы кезекшілік етеді. Яғни тұрғындар кез-келген уақытта сақшылардың көмегіне жүгіне алады.

Модульдік арнайы жарақтанған пункттер арқылы қала тұрғындары полиция қызметкерлеріне заң талаптарының бұзылуы жайлы арыз-шағым жазумен бірге, өтініштеріне сәйкес түрлі қажетті заң кеңестерін де ала алады. Модульдік полиция пункттерінің құрамында учаскелік полицейлер, кәмелеттік жасқа толмағандардың ісімен айналысатын инспекторлар және полицияның жедел уәкілдері бар.

«Бұрындары полицияға жүгінер болсақ, басқармаға барып жүруші едік. Бүгінде осы модульдік полиция пункттері ашылып, тәртіп сақшылары мен тұрғындардың арасы жақындай түсті. Осы бастаманы қолға алып, ел игілігі мен халықтың амандығы үшін жұмыстар жүргізіп жатқан басшыларға алғысымыз шексіз»,-дейді қала тұрғыны Айгүл Нұрбекова.

«Осындай полиция пунктері көптеп салынса, тұрғындарға тиімді болушы еді. Халық біліп тұрады мәселесі болса, қайда баратынын. Біз бұл бастаманы тұрғындар болып қолдаймыз. Осы құрылыс басталғанда ойлап едік кәсіпкерлер көлік жуу орнын ашып жатыр ма деп, бірақ кейінірек ел игілігі үшін салынып жатқан модульдік полиция пункті екенін біліп қуандық. Қазір полицияның жұмысы жақсы. Әркез осында келіп жүгінеміз. Полиция департаментінің бастығы, полиция генерал-майоры Ералы Жумаханбетовтың өзі келіп, бізді тыңдап, мәселемізді қарап жатыр. Сондықтан, алғыстан басқа айтарымыз жоқ»,-дейді зейнеткер Осербай Коштенов.

Айта кетейік, модульдік полиция пунктері құқық бұзушылықтардың алдын алу және қоғамдық қауіпсіздікті нығайту саласындағы жұмыстың тиімділігін арттыруға мүмкіндік береді.

Шымкентте 23 қаңтар күні 180 адамнан КВИ анықталды. Оның ішінде 88-де ауру белгілері анықталған болса, 92-де симптомпсыз болған. 68 адам инфекциялық стационарға жатқызылып, 112 адам үй бақылауына алынды.
Қазіргі таңға мамандандырылған инфекциялық стационарларда барлығы 828 орын бар, төсек орын толымдығы 47 пайыз. Инфекциялық стационарда 395 науқас, жансақтау бөлімінде 48 науқас ем қабылдауда.
Бір тәулік ішінде қалада 43 адам вакцина алды
(I компонент- 24, II компонент- 19). Егу науқаны басталғалы барлығы 594 602 адам вакцинацияланды. Оның ішінде 582 084 адам вакцинаның екі компонентін алды.
Pfizer вакцинасының I компонентін 30 818 адам, II компонентін 13 673 адам қабылдады. Сондай-ақ, 69 264 адам ревакцинацияланды.
Қаламызда эпидеммиологиялық ахуал әлі де күрделі. Сондықтан вакцина салдырып, карантин режимін қатаң сақтайық. Қарапайым сақтық шараларын (қолды жиі жуу, антисептик қолдану, таза ауада көп жүру, адам көп шоғырланатын жерлерге бармау, иммунитет көтеру, қажеттілік болмаса шетелге шықпау) ұмытпайық!