Маңызды

Адамзат баласын азғындатып, қоғамды жегіқұрттай жаулап, іштен ірітіп-шірітетін сыбайлас жемқорлық көріністерінің абырой әперген кезі жоқ.
Тәуелсіздіктің тізгіні қолымызға тиген 27 жылдан бері осы бір жағымсыз дертпен күрес ешқашан бәсеңсіген, толастаған емес. Жеті басты жыландай қауіпті дерттің бетін қайтарудың әртүрлі жолдары тұрақты түрде өткізіліп келе жатса да өкінішке қарай жемқорлық көріністері қылаң беріп қалып жүр.
Әрине, бұл дертке қарсы батыл күрес ешқашан тоқтамауы тиіс. Осы жолда нақты іс-шаралар өткізілуде.
«Адал жол» марафон аясында өткізілген дөңгелек үстелге аудан әкімі Ерлан Айтаханов сөз алып, сыбайлас жемқорлық дертіне шалдықпас үшін әр адам адалдық пен тазалықты жастайынан бойына сіңіріп өсу керектігін айта келіп, тәрбиенің, түсініктің түпқазығы отбасында, балабақшада жатқандығына нақты мысалдар келтірді. Жастармен еркін пікір алмасқан аудан басшысы әсіресе жемқорлықтың ішінде рушылдық сияқты жағымсыз көрініске жол беруге болмайтындығын қадап айтты.
Жиында «Нұр Отан» партиясы аудандық филиалының сектор меңгерушісі Жазира Ержанова, аудандық ардагерлер кеңесінің төрағасы Мырзабай Өксікбаев, ауданның Құрметті азаматы Мәрия Белгібай, ауданның бас имамы Әлижан Бекбауовтар күн тәртібіндегі мәселеге байланысты өз ойларын ортаға салып, тағылымдық тұрғыда сөз қозғады.

 

 

 

 

Отырыр ауданындағы білім саласы қызметкерлерінің дәстүрлі тамыз кеңесі өтті. Алқалы жиын басталар алдын аудан әкімі Ерлан Айтаханов пен облыстық білім басқармасының бас маманы Ғалия Жанаева, аудандық мәслихаттың хатшысы Мырзахан Манапов бастаған топ Мәдениет сарайының фоесінде ауданның білім саласындағы жетістіктері мен даму перспективасы туралы көрмемен танысты.
Мұнан соң залға жиналған қонақтар мен аудан мұғалімдері алдында аудандық білім бөлімінің басшысы Жанат Мұсатаева «Төртінші өнеркәсіптік революция жағдайындағы адами капитал» тақырыбында есепті баяндама жасады. Былтырғы оқу жылындағы жетістіктер мен кемшіліктерді атап өтіп, алдағы міндеттерге кеңінен тоқталған бөлім басшысы білім саласындағы игі жаңалықтарды атап өтті.
2018 жылы ауданымыздағы білім беретін 40 мектепте алғашқы қоңырау соғылып, 10924 оқушы алтын ұясындағы білімін жетілдіреді. Биылғы оқу жылында 1250 оқушы 1-ші сыныпқа қабылданып, мектеп табалдырығын аттағалы отыр. Сондай-ақ аудандық білім бөліміне қарасты барлық білім мекемелерінде 1920 мұғалім қызмет етуде. Биыл жаңартылған білім беру мазмұны бойынша аудан мектептерінде сабақ беретін 549 мұғалімнің жалақысы 30 пайызға көтерілген және биыл педагогтарды аттестаттаудың жаңа жүйесі енгізілді. Ол біліктілік санаттары үшін лауазымдық жалақыға 30-дан 50 пайызға дейін қосымша үстемақы қосу қарастырылған.
Есепті хабарламада биыл ауданның білім беру саласына 5,6 млрд теңге қаржы қаралып отырғаны айтылды. Бұл білім саласына үкіметіміз айрықша қамқорлық жасап отырғанының айқын дәлелі. Үстіміздегі жылы Темір ауылындағы С.Әлиев атындағы жалпы орта мектебіне күрделі жөндеу жұмыстары жүргізілді. Мұнан бөлек Мыңшұқыр елдімекенінен 300 орындық мектептің құрылысы басталып, оған 824,2 млн. теңге қаржы қаралған. Сондай-ақ 2017-2018 оқу жылында Ш.Қалдаяқов, Жамбыл, Ө.Жәнібеков, М.Әуезов мектептерінің работотехника пән кабинеттеріне 4 компьютер мен 4 интерактивті тақта, 20 ноутбук алынған. Аталған мектептерде работотехника вариативтік курс негізінде сабақтар жүргізілуде. Мемлекетіміздің осындай қолдауларының арқасында өткен оқу жылының ҰБТ қорытындысы бойынша да орта балл 90,4 балды құрап, нәтижесінде облыс көлемінде ең жоғарғы көрсеткішті көрсетті. Жүйелі жұмыстардың арқасында осындай жетістіктерге жетіп отырғаны үшін аудан педагогтарына алғыс айтқан Жанат Мұсатаева ұстаздарды жаңа оқу жылында жаңаша қарқынмен жұмыс істеуге шақырды.
Кеңесте сөз алған аудан әкімі Ерлан Айтаханов білім саласындағы өзекті мәселелерді талқылап, мәнін ашуға үлкен мүмкіндік беретін дәстүрлі тамыз кеңесінің мән-маңызына тоқтала келе, ұлағатты ұстаздарды басталғалы тұрған жаңа оқу жылымен құттықтады.
— Бүгінгі тамыз кеңесі қазақ музейінің негізін қалаушы, педагог Өзбекәлі Жәнібековтің туған күнімен тұспа-тұс келіп отыр. Ұстаз ұғымы мен ұлағатын ұлықтап, қадірі мен қасиетін құрметтеу – парыз. Ұлы ғұламалардың өзі ұстаздардан сабақ алады. Елбасымыз Нұрсұлтан Назарбаевтың «Келер ұрпақ алдында зор жауапкершілік жүгін арқалап келеміз»,- деген сөзі ұстаз қауымына үлкен міндеттерді жүктейтіні сөзсіз. Өйткені еліміздің болашағы көркейіп, өркениетті елдердің қатарына қосылуы бүгінгі ұрпақ бейнесімен көрінсе, осы ұрпақты тәрбиелеуде ұстаздардың орасан еңбегі жатыр,-деген аудан басшысы мұғалімдердің алдағы жұмыстарына шығармашылық табыс тіледі.
Салтанатты жиын мұғалімдердің түрлі деңгейдегі марапаттау рәсімдеріне ұласты. Ұстаз деген ұлы есімге кір келтірмей, шәкірт тәрбиелеу ісінде жемісті еңбек етіп жүрген бір топ педагогтер министрліктің арнайы төсбелгілерімен, Түркістан облысының әкімі мен аудан әкімінің, сондай-ақ облыстық білім басқармасының «Алғыс хаттарымен» марапатталды.

Бүгінде заманауи эндокринология саласында қантты диабет ауруы күрделі мәселе болып отыр. Статистикалық мәліметтер бойынша жер шарындағы 60 миллионнан астам адам қантты диабетімен зардап шегеді. Қазақстандық ғалымдар еліміздегі осы жағдайдың алдын алу мақсатында жан-жақты зерттеу жұмыстарын жүргізіп келеді. Нәтижесінде дәрілік сығындылармен үйлескен қышқылды сүт биопрепаратының оң әсер ететіндігі, гипогликемиялық, гиполипидемиялық қасиеті анықталып, дайындалған қышқылды сүт биоөнімі «Инуллакт-Фито» типті қантты диабетін кешенді емдеудегі қолданылуына тиімді мүмкіндік беретінін көрсеткен.
Бүгін аудан әкімі Ерлан Айтаханов Қожа Ахмет Яссауаи атындағы ХҚТУ-нің Шымкент медицина институтының директоры Уәлихан Жұмабаев пен институттың үздіксіз білім беру бөлімінің басшысы Талғат Ормановты қабылдады.
Кездесуде ғалымдар түйе сүтінің ақуызында емдік антиоксиданттық, иммунитетті көтеруші қасиеті бар иммуноглобулин, лактоферрин басым келетінін айтып, түйе шаруашылығы жақсы дамыған киелі Отырар ауданында «Инуллакт-Фито» диабеттік тағамға арналған азық-түлік өнімін шығаруды қолға алып жатқанын айтты. Бұл ретте ғалымдар Шілік ауылындағы «Гүлмайра» шаруақожалығының төрағасы Оразәлі Мұстафинмен өткен жылдан бері жұмыс жасап келеді. Шаруақожалық төрағасы өз иелігіндегі 125 түйеден тәулігіне 1тонна 200 литр өнім алады.
Ғалымдардың бұл ұсынысын құптаған аудан басшысы ҚР Президенті Н.Ә.Назарбаевтың Қазақстан халқына арнаған Жолдауында, отандық фармацевтикалық препараттарды өндіруді 10%-дан 50%-ға дейін көтеру туралы атап өткенін айтып, аудан көлемінде барынша қолдау көрсетуге дайын екендігін жеткізді.
-Ауданымызда Елбасымыздың сарабдал саясатын жүзеге асыру мақсатында өңірдің климаттық орналасу жағдайына байланысты ауылшаруашылығы саласын ғылыммен ұштастыра отырып дамыту мәселесі кеңінен қолданылып келеді. Біз бұған дейін Ө.Оспанов атындағы қазақ топырақтану агрохимия институтының ғалымдарымен бірлесіп аудандағы сұрланып – тұзданған жерлерге зерттеу жұмыстарын жүргіздік. Нәтижесінде шаруалар өнім көлемін молайтып, үлкен табысқа кенелді. Сіздер айтып отырған диабеттік тағамға арналған азық-түлік өнімі ауданымызда өндіріліп жатса, мұның өзі өңіріміз үшін үлкен жетістік болары сөзсіз. Сондықтан жаңа ғылыми ізденіске негізделген жұмыстарыңызға сәттілік тілей отырып, көздеген мақсаттарыңызға жетулеріңізге сенім білдіремін,- деді аудан әкімі.

Шоқпарда жаңа нысан пайдалануға берілді
Аудан орталығынан шалғай орналасқандықтан болса керек, бүгінгі күнге дейін қоңырқай күй кешкен Шоқпар ауылдық округінің тұрғындары сәулетті мәдениет ошағын армандап, әйтеуір оның бір болатынына сенімді еді. Міне, кеше ғана Қазақстан Республикасының Конституциясы күні қарсаңында осы бір жақсы істің тиянағы келтіріліп, жүз адамға арналған ауылдық клуб тұрғындар үшін есігін айқара ашты. Ауыл тұрғындарының қуанышын бөлісіп, жаңа нысанның ашылу салтанатына арнайы келген аудан әкімі Қайрат Досаев шоқпарлықтарды құттықтап, өзінің жылы лебізін жеткізді.
Шара барысында құрылысты жүргізген «Шағыноил-7» мердігер компаниясының өкілі Досымжан Қозбақов Шоқпар ауылдық клубының мәдени ұйымдастырушысы Әйгерім Әлжановаға нысанның кілтін салтанатты түрде табыстаса, аудан әкімі Қайрат Досаев пен ауданның Құрметті азаматы Төлеухан Шаймерденов ғимараттың лентасын қиылды. Бұдан соң, келген қонақтар мен ауыл тұрғындары жаңа нысанмен танысты. Ұзындығы 44 метр болса, ені 16 метрді құрайтын зәулім ғимарат заманауи құрылғылармен жабдықталған. Құрылыс жұмыстары бір жылға жетер-жетпес мерзім ішінде аяқталған ауылдық клубтың алғашқы қабатында Шоқпар ауылдық округі мен ауыл азаматтарының өткенінен сыр шертетін мұражай және жүз адамдық көрермен залы орналастырылыпты. Бұдан бөлек, әкімшілік өзге де жеке бөлмелер бар. Ал, екінші қабатта қоры 7416 кітапты құрайтын заманауи кітапхана орын алған. Оған қоса, оркестр бөлмесі мен би залы және қол өнер үйірмесі тұрғындар үшін жұмыс істейтін болады. Айта кету керек, аталмыш мәдениет ошағының құрылыс жұмыстарын жүргізу үшін өткен жылы облыстық бюджеттен 206 миллион теңге қаражат бөлінген болатын. Өз кезегінде, бұл да өңір басшыларының рухани салаға деген қарымды қамқорлығының айқын дәлелі екені сөзсіз.
Шара соңында, қуаныштан мәре-сәре болған шоқпарлықтар үшін аудан өнерпаздары өз өнерлерін ортаға салып, ауылдық клубты ән мен жырға бөледі.
Ерғали Асхатұлы

«Рухани жаңғыру» бағдарламасының «Жанды кітап» бағыты бойынша Созақ аудандық орталық кітапханасында « Жанды кітап: жанарым – жүрегімде» атты мүмкіндігі шектеулі азаматтардың қатысуымен әдеби сұхбат өткізілді. Іс – шараға көзі көрмейтін және әлсіз көретін оқырмандарға қызмет көрсету нүктесінің оқырмандары , ауыл тұрғындары, жасөспірімдер, БАҚ өкілдері қатысты. Созақ аудандық соқырлар қоғамының төрағасы Т.Аққұлиев, оқырмандар Б.Боқаев, Б.Өмірханов, Қ. Дүйсебаев әдебиет және өнер жайлы ой – пікірлерін ортаға салды. Жас оқырмандар Д.Дәмен, Т.Әбілқасым, М.Жалал, Н.Сұлтан ән шырқап, жыр оқыды. С.Алексеева, Ә.Өсембаева, А.Сапарбаева орындаған ән – жырлар жиын шырайын аша түсті. Қасымызда осындай өмірден қағажу көрсе де мойымаған, өнер әлеміне , өмірге құштар жандар жүргендігін естен шығармай, олардың қоғамда қалыпты өмір сүруіне ықпал жасау – баршамыздың адами парызымыз, өмірі мен өнеріне қолдау көрсетуге тиіспіз. Бұлар – қоғамның айнасы.

Білім күні мерекесі қарсаңында аудан әкімі Ерлан Айтаханов аудан орталығындағы Ш.Қалдаяқов атындағы мектеп-гимназиясына барып, мектептегі «Адал ұрпақ» еріктілер клубының «Адал жол» эстафеталық марафоны аясында өтіп жатқан «Адал ұрпақ – мәңгілік ел тірегі» атты ашық сабағына қатысты.
Мектептің белсенді оқушыларынан құралған клубтың негізгі мақсаты білім беру мекемесінде сыбайлас жемқорлыққа “нөлдік төзімділік” қағидатын қалыптастыру, жемқорлыққа қарсы мәдениетті қалыптастыру және оған қарсы күресті күшейту болып табылады. Ашық сабақты жүргізіп отырған «Адал ұрпақ» еріктілер клубының жетекшісі Жомарт Мыңбаев клуб мүшелерін «Әділдік», «Абырой», «Адалдық», «Жауапкершілік» атты 4 топқа бөліп, сабақты сайыс түрінде өрбітті. Топ ұрандары, оның шумақтары айтылып, әр топ атауын мағынасы мен мән-маңызына қарай қорғап шықты. Сабақ барысында сыбайлас жемқорлықтың адамзат баласына тигізер зардабы жайында бейнебаян көрсетіліп, бейнебаяндағы көрініс бойынша оқушылар ойларын ортаға салып, өз пікірлерін өмірмен байланыстыра толғаныспен жеткізді.
Қызықты та тартымды өткен ашық сабақтың басынан-аяғына дейін қатысқан аудан әкімі оқушылармен бірге сабаққа араласып, клуб мүшелерін одан әрі қызықтыратын әңгімелер айтып, алдағы жұмыстарының қандай бағытта өрбуі керектігі жөнінде тың идеяларды ортаға салды. Сондай-ақ сыбайластықтың алдын алу бойынша оқушыларға сауалдар жолдап, оқушылардың таным-түсігін арттыратын ойлы оқиғаларды сөз еткен аудан басшысы әр топ атауына берілген төрт қасиет әр адам баласының бойынан табылса сыбайластықтың қоғамнан мүлде жойылатынын тілге тиек етті
— Болашақ бүгіннен басталады. Заманымыздың ертеңін жасайтын жас ұрпақты білімді, саналы етіп тәрбиелеумен қатар, қазіргі қоғам дерті – жемқорлық пен сыбайластықтан таза тұлғаларды қалыптастыру бүгінгі күннің басты талабы. Елбасымыз Н.Ә.Назарбаев Қазақстан халқына арнаған Жолдауында: «Біз Қазақстанның барлық азаматтарының отаншылдық сезімі мен өз еліне деген сүйіспеншілігін дамытуға тиіспіз және оны қалыптастыру басты міндетіміздің бірі» деген болатын. Ұлттық тәрбиеге тікелей ықпал жасайтын білім ордалары, отбасы, қоғам, орта. Қазақстанның болашағы — Ұлтжанды, адами құндылықтарды бойына жиған, қиыншылықтан жол табатын, экономикалық бәсекелестікке қабілетті, ары таза иманжүзді, біреудің қолдауынсыз өз еңбегімен білім алған, елі мен жерін сүйетінін атқарған ісімен дәлелдеген жастарды көргіміз келеді. Рухани-адамгершілік және азаматтық-патриоттық қасиеттер негізінде сыбайлас жемқорлыққа қарсы мәдениетті мектепте қалыптастыру баршамыздың міндетіміз. Бүгінгі “Адал ұрпақ” еріктілер клубының жұмысына қарай отырып, басты мақсатымыздың орындалып жатқанын көруге болады. Алдағы уақытта да клуб жұмысын үзбей, жоспарлы түрде жалғастыру керек, – деді аудан басшысы.
Тартымды әрі қызықты өткен сабақ барысында жас клуб мүшелері шараға арнайы келіп, оқушылармен бірге пікірлесіп, ақыл-кеңестерін айтқан аудан басшысына алғыстарын айтып, сыбайластықпен күресті өмірлік ұстаным ретінде алып, осы жолда ел игілігі үшін қызмет ететіндеріне сенім білдірді.

Жағажай волейболы спорттың ең бір қызықты әрі күрделі түрі. Ережесі кәдімгі волейболға ұқсағанымен бірқатар айырмашылықтары да бар. Біріншіден мұны құмда ойнаса, екінішіден команда құрамында екі-ақ спортшы болады. Өңірде аталған спортты дамыту мақсатында қаланың ашық біріншілігі бастау алды.2018 жылдың 23-25 тамыз аралығында Шардара қаласында Қазақстан Республикасының Президенті Н.Ә.Назарбаевтың жүлдесі үшін VІ-ші Халық спорт ойындар бағдарламасындағы қыздар арасындағы жағажай волейболынан Созақ ауданы командасы жүлделі ІІ-орынды иеленді, Облысымыздың түкпір-түкпірінен жиналған командаларын шақ келтірмеген жерлестеріміз ақтық сында Шардара қаласының командасынан 2;1 есебімен жол берді, команда құрамында балалар мен жасөспірімдер спорт мектебінің волейбол бөлімінің жаттықтырушысы Керімбекова Гүлжамал және волейболдан қыздар арасындағы облыстық жарыстардың бірнеше дүркін жеңімпазы Шокенова Құралай, команда жетекшісі, балалар мен жасөспірімдер спорт мектебінің волейбол бөлімінің аға жаттықтырушысы Кенжеғұлов Бақытжанды жеңістерімен құттықтаймыз!
«Созақ спорт ақпарат»

Шоқпарда жаңа нысан пайдалануға берілді
Аудан орталығынан шалғай орналасқандықтан болса керек, бүгінгі күнге дейін қоңырқай күй кешкен Шоқпар ауылдық округінің тұрғындары сәулетті мәдениет ошағын армандап, әйтеуір оның бір болатынына сенімді еді. Міне, кеше ғана Қазақстан Республикасының Конституциясы күні қарсаңында осы бір жақсы істің тиянағы келтіріліп, жүз адамға арналған ауылдық клуб тұрғындар үшін есігін айқара ашты. Ауыл тұрғындарының қуанышын бөлісіп, жаңа нысанның ашылу салтанатына арнайы келген аудан әкімі Қайрат Досаев шоқпарлықтарды құттықтап, өзінің жылы лебізін жеткізді.
Шара барысында құрылысты жүргізген «Шағыноил-7» мердігер компаниясының өкілі Досымжан Қозбақов Шоқпар ауылдық клубының мәдени ұйымдастырушысы Әйгерім Әлжановаға нысанның кілтін салтанатты түрде табыстаса, аудан әкімі Қайрат Досаев пен ауданның Құрметті азаматы Төлеухан Шаймерденов ғимараттың лентасын қиылды. Бұдан соң, келген қонақтар мен ауыл тұрғындары жаңа нысанмен танысты. Ұзындығы 44 метр болса, ені 16 метрді құрайтын зәулім ғимарат заманауи құрылғылармен жабдықталған. Құрылыс жұмыстары бір жылға жетер-жетпес мерзім ішінде аяқталған ауылдық клубтың алғашқы қабатында Шоқпар ауылдық округі мен ауыл азаматтарының өткенінен сыр шертетін мұражай және жүз адамдық көрермен залы орналастырылыпты. Бұдан бөлек, әкімшілік өзге де жеке бөлмелер бар. Ал, екінші қабатта қоры 7416 кітапты құрайтын заманауи кітапхана орын алған. Оған қоса, оркестр бөлмесі мен би залы және қол өнер үйірмесі тұрғындар үшін жұмыс істейтін болады. Айта кету керек, аталмыш мәдениет ошағының құрылыс жұмыстарын жүргізу үшін өткен жылы облыстық бюджеттен 206 миллион теңге қаражат бөлінген болатын. Өз кезегінде, бұл да өңір басшыларының рухани салаға деген қарымды қамқорлығының айқын дәлелі екені сөзсіз.
Шара соңында, қуаныштан мәре-сәре болған шоқпарлықтар үшін аудан өнерпаздары өз өнерлерін ортаға салып, ауылдық клубты ән мен жырға бөледі.
Ерғали Асхатұлы

«Рухани жаңғыру» бағдарламасының «Жанды кітап» бағыты бойынша Созақ аудандық орталық кітапханасында « Жанды кітап: жанарым – жүрегімде» атты мүмкіндігі шектеулі азаматтардың қатысуымен әдеби сұхбат өткізілді. Іс – шараға көзі көрмейтін және әлсіз көретін оқырмандарға қызмет көрсету нүктесінің оқырмандары , ауыл тұрғындары, жасөспірімдер, БАҚ өкілдері қатысты. Созақ аудандық соқырлар қоғамының төрағасы Т.Аққұлиев, оқырмандар Б.Боқаев, Б.Өмірханов, Қ. Дүйсебаев әдебиет және өнер жайлы ой – пікірлерін ортаға салды. Жас оқырмандар Д.Дәмен, Т.Әбілқасым, М.Жалал, Н.Сұлтан ән шырқап, жыр оқыды. С.Алексеева, Ә.Өсембаева, А.Сапарбаева орындаған ән – жырлар жиын шырайын аша түсті. Қасымызда осындай өмірден қағажу көрсе де мойымаған, өнер әлеміне , өмірге құштар жандар жүргендігін естен шығармай, олардың қоғамда қалыпты өмір сүруіне ықпал жасау – баршамыздың адами парызымыз, өмірі мен өнеріне қолдау көрсетуге тиіспіз. Бұлар – қоғамның айнасы.

Мемлекетіміздің мәртебелі мерекесі-Конституция күні. Бұл мерекенің түп қазығы осыдан 27 жыл бұрын, 1991 жылы 16 желтоқсанда тұңғыш рет ел дербестігінің негізі қаланып, «Қазақстан Республикасының Мемлекеттік Тәуелсіздігі туралы» Конституциялық Заңынан бастау алып, Қазақстан Республикасы өз тәуелсіздігін жариялады. 1995 жылы 30 тамызда республикалық референдумда ел дербестігінің негізін қалаған құжат ретінде қабылданды.
Бұл еліміздің тәуелсіздігі тарихындағы жаңа белестерді ашқан тарихи күн болды. Бүгінде Қазақстанның әлем қауымдастығы алдындағы абыройы биік, мәртебесі жоғары. Осы Тәуелсіздігіміздің 24 жылы ішінде мемлекеттілігіміз орнығып, ұлы жетістіктерге негіз болатын заңдық база, қуатты атқарушы билік сатысы, нормативтік жүйе қалыптасып, реформаларды жеделдетудің құқықтық-саяси негізі қаланды. Егеменді еліміздің Тұңғыш Президенті, Ұлт Көшбасшысы Нұрсұлтан Әбішұлы Назарбаевтың: «Бүгінгі біздің тәуелсіздігіміздің қайнар көзі — қазақ халқының сан ғасырлар бойғы күресінде, азаттыққа ұмтылған қайсарлығында», деуінде терең мағына бар. Себебі, небір зұлмат замандарды басынан өткеріп, жаңа мыңжылдық есігін қолындағы көкбайрағымен, бай әдебиет-мәдениетімен, бабалар қалыптастырып кеткен сан салалы салт-дәстүрлерімен, көк күмбезіне қалықтаған әуезді әнұранымен ашқан, еңсесін тіктеп, көжиегін кеңейткен халқымыз бүгінде дүниежүзілік қауымдастықтың ең беделді серіктестігіне айналды. Бұл ретте Қазақстан 1992 жылдан бері БҰҰ-ның толық құқылы мүше екенін, Еуропа қауіпсіздігі мен ынтымақтастығы ұйымы, ЮНЕСКО сияқты 70-ке жуық халықаралық ұйымдарда өкілдігі бар абыройлы елге айналды
Қазақстанды қазір бүкіл әлем жұрты этносаралық және конфессияаралық ынтымақтастықтың бірден бір үлгісін жасаушы мемлекет ретінде таниды. Мемлекетіміздің жаңа мемлекет қалыптастырудағы айқын жоба-жоспарға түзілген стратегиялық қадамдарының қаншалықты маңызды екені күн өткен сайын нақтылана түсуде. Еліміздің әлеуметтік-экономикалық тұрғыда өсіп-өркендеуі үшін ұзақ мерзімді «Қазақстан-2050» стартегиялық бағдарламасы қабылданып алдағы бағыт-бағдары белгіленді.
Тәуелсіздік жылдары айшықты Астанамыздың Сарыарқа төсінен орын алуы, халқымызға күш-қуат, ынтымақ пен бірліктің рухын құйғандай. Осы жылдар ішінде халқымыздың мәдениетінің, өнері мен тарихының қайта дамуына тың серпін берген «Мәдени мұра» бағдарламасының жүзеге асырылуы, республикалық референдумда қабылданған Ата заңымыз- Қазақстан Республикасының Конституциясы мемлекетіміздің ойдағыдай дамуының құқықтық ірге тасы болып табылуы, төл теңгеміздің айналымға түсуі, Қарулы Күштеріміздің жасақталуы, қасіретті зардап ошағы Семей ядролық полигонының жабылуы, Әнұранымыздың шалқып, Көк туымыздың желбіреуі, шекарамыздың нықталуы мен бірге ел мерейінің жарқырай жануы, әлем елдері дәстүрлі дін өкілдерінің бас қосуын өткізуі, дағдарыс шарпуынан сақтану мақсатында дүниежүзілік экономикалық форумның өтуі, Ислам конференциясына төрағалық етуі, «Экспо-2017» халықаралық көрмесінің біздің мемлекетімізде өткізу құқығын жеңіп алуы теңдесіз істің телегей жемісі.
Елбасымыз Н.Ә.Назарбаевтың идеясымен құрылған Қазақстан Халқы Ассамблеясы зор қызмет атқаруда. Көптеген ұлт пен ұлыстың өкілдері мекен еткен Тәуелсіз Қазақстанның болашағы жарқын, бағыты айқын. Соның айғағындай жыл сайын 1 желтоқсан Тұңғыш Президент күнін атап өтуде дәстүрге айналдырудамыз.
Ынтымағымыз бен бірлігіміздің жемісіндей өзге мемлекеттерде болып жатқан қақтығыстар бізде орын алған жоқ. Біз ең алдымен ұлттық келісімге арқа сүйей отырып, тұрақты экономикалық өсуге, халықтың тұрмыс деңгейін арттыруға қол жеткізудеміз.
Созақ ауылының әлеуметтік-экономикалық өрлеу бағыты еліміздің ертеңіне деген сенімін еселей түсуде. Тәуелсіздігіміздің берген жемісі ретінде ауыл халқының игілігіне жаңа аурухана, заманауи талапқа сай үлгіде мектептер, балабақшалар мен шағын орталықтар салынып пайдалануға берілуде. Ынтымағымыз бен татулығымыздың, бірлігіміз бен берекелі тірлігіміздің ұйытқысы Ата заңымыздың мерейлі мерекесі барша азаматтарға тек жақсылықпен қуаныштар әкелсін!
Байзақ Әметов,
Созақ ауылының әкімі